Aımaqtar • 16 Qyrkúıek, 2020

Joldaý aıasynda úıirme sanyn kóbeıtý josparlanýda

27 ret kórsetildi

Memleket basshysy bıylǵy halyqqa Joldaýynda óskeleń urpaqtyń shyǵarmashylyq áleýetine asa nazar aýdarý qajettigin aıtyp, "Balalar úıirmesi" qyzmetin qaıta qalypqa keltirýdiń mańyzdylyǵyn qozǵady, dep habarlaıdy Egemen.kz

Bul baǵytta Syr boıynda atqarylyp jatqan jumystar men josparlar jaıly oblys ákiminiń orynbasary Serik Ahmet óńirlik kommýnıkasııalar qyzmetin ótken brıfıngte baıandady.

Oblys aýmaǵyndaǵy 173 klýb-kásiporynda 854 turaqty úıirme bar, olarǵa 10 606 adam qatysady. Joldaýda qoıylǵan mindetterdi oryndaý baǵytynda aldaǵy jyly úıirme sanyn 1000-ǵa kóbeıtip, úıirme qatysýshylaryn 11 500-ge ulǵaıtýdy josparlanýda.    

Sonymen qatar, Prezıdent Joldaýynda buqaralyq sportqa, dene tárbıesine jáne balalar sportyna basymdyq bere otyryp, ár oblysta, iri qalalar men aýdan ortalyqtarynda sport úıirmelerin ashý qajet ekeni aıtyldy. Syr óńirinde 2009 jyldan bastap sabaqtan tys jáne keshki ýaqytta halyq úshin sport seksııalarynyń jumysyn qamtamasyz etý arqyly, buqaralyq sportty damytý tájirıbesi engizilgen.

Oblysta 21 balalar men jasóspirimder sport mektepteri jumys jasaıdy, olarda 20 147 oqýshy 45 sport túrimen tegin shuǵyldanady.

2018-2019 jyldary oblysta 16 sport kesheni paıdalanýǵa berilse, bıyl memlekettik-jekeshelik áriptestik aıasynda josparlanǵan 12 jobanyń 5-eýi iske qosyldy.  

Jastar saıasaty salasynda aldaǵy bes jyldyqqa arnalǵan 5 baǵyt, 29 ındıkatordan turatyn SYR JASTARY-2025 jol kartasynyń jobasy jasaqtalýda.

Aldaǵy bes jylda  Syr óńirinde 6 myńǵa jýyq jas "Jasyl el" jáne "Jas qurylysshylar" eńbek jasaqtarynyń qatarynda eńbek etetin bolady.

Jastardyń kásipkerlik bastamalaryna memlekettik granttar men ınvestısııalar tartylyp, óńirdegi NEET sanatyndaǵy jastardyń úlesin tómendetý kózdelýde. Atalǵan josparǵa oblystyq eńbek lagerin uıymdastyrý da qarastyrylatyn bolady.

 

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar