Aımaqtar • 16 Qyrkúıek, 2020

B.Saǵyntaev: Qaladaǵy tártip árqaısymyzǵa qatysty

27 ret kórsetildi

Almatylyqtardyń "Almaty" telearnasy arqyly, Akimat Live baǵdarlamasynyń efırinde qoıylǵan suraqtaryna jaýap bere kele, qala ákimi naqtyly sharalary týraly áńgimeledi jáne almatylyqtardy óz aýlalarynda, shaǵynaýdandarynda tártip pen tazalyq saqtaýǵa shaqyrdy, dep habarlaıdy Egemen.kz

"Abattandyrý erejelerin saqtaý qala úshin ózekti máselelerdiń biri bolyp tabylady. Biz bárimiz úıimizde, páterimizde tártip pen tazalyq bolǵanyn qalaımyz. Dál osyndaı kózqaras qala kóshelerine qatysty bolýy tıis. Biz qala turǵyndarynyń boıyna qalada tártipti saqtaý mádenıetin qalyptastyrýymyz kerek", dep atap ótti B. Saǵyntaev.

Abattandyrý erejelerin buzǵany úshin QR "Ákimshilik quqyq buzýshylyq týraly" Kodeksiniń 505 tarmaǵy boıynsha ákimshilik jaýapkershilik qarastyrylǵan. Jeke tulǵalarǵa – eskertý nemese 20 AEK mólsherinde aıyppul, shaǵyn kásipkerlik sýbektilerine nemese kommersııalyq emes uıymdarǵa 30 AEK mólsherinde, orta kásipkerlik sýbektilerine 40 AEK, iri kásipkerlik sýbektilerine 100 AEK mólsherinde aıyppul salynady.

Bıylǵy jyldyń tamyz aıynda ǵana Almaty qalasynyń abattandyrý erejelerin buzǵany úshin 172 jeke tulǵaǵa 6,8 mln.teńge, 25 zańdy tulǵaǵa 2,1 mln.teńge kóleminde aıyppul salyndy. Qalany tazartýǵa 13 merdigerlik uıym jumyldyrylǵan. Magıstraldy kósheler kúnine eki ret, aýdandyq mańyzy bar kósheler men ortaq paıdalanylatyn oryndar kún saıyn tazartylady.

Turmystyq qatqyl qaldyqtar qoqys tasymaldaıtyn 25 uıymnyń kúshimen syrtqa shyǵarylady. Kún saıyn qala aýmaǵynan shamamen 1200 tonna qaldyq tasymaldanady. Barlyq qaldyqtar qoqys suryptaý kesheninde suryptalady, munda organıkalyq emes qaldyqtar bólinip, odan ári óńdeýge jiberiledi. Qaıta óńdelmeıtin bıologııalyq jaǵynan ydyraıtyn qaldyqtar Almaty oblysy Qarasaı aýdanynyń Áıteı aýylyndaǵy polıgonǵa jiberiledi.

Qala aýmaǵynda makýlatýra men áınek qaldyqtaryn óńdeıtin zaýyttar bar. Búgingi kúni qaldyqtardyń basqa túrlerin óńdeý óndirisin uıymdastyrý máselesi zerttelýde jáne pysyqtalýda.

Sońǵy jańalyqtar

Vırýs mýtasııaǵa ushyrady

Koronavırýs • Keshe

Munaılyda gıdroponıka salasy damyp keledi

Aımaqtar • 30 Qazan, 2020

Elordada kottedjde bolǵan órt sóndirildi

Aımaqtar • 30 Qazan, 2020

Elordada 1700-den astam jumys orny quryldy

Aımaqtar • 30 Qazan, 2020

Uqsas jańalyqtar