Mine, endi osy jumys máresine jetti. Mınıstrlik osyǵan baılanysty jaqynda taratqan aqparatynda:
«Stýdentterge qujattardy rásimdeý barysynda JOO-nyń vırtýaldy qabyldaý komıssııalary arqyly jeńildetilgen format usynyldy. Sheteldik joǵary oqý oryndarynyń basym bóligi qazaqstandyq JOO sııaqty oqý jylyn qashyqtan bilim berý tehnologııalaryn paıdalana otyryp bastady. Alaıda keıbir sheteldik JOO óz stýdentterine qashyqtan oqytýdy jalǵastyrý úshin platformalar usyna almady. Tamyz aıynyń basynda Bilim jáne ǵylym mınıstrligi oqýyn jalǵastyrý úshin ózine baılanysty emes sebepter boıynsha elden shyǵa almaǵan stýdentterge kómek kórsete bastady. Aldyn ala qabyldan sheshimder arqyly 2 myńnan asa qazaqstandyq stýdent otandyq joǵary oqý oryndaryna aýysýǵa nıet bildirdi. Osy sanattaǵy azamattardy qoldaý maqsatynda arnaıy jedel jeli iske qosylyp, qujattardy qabyldaý resimi jeńildetildi», dep habarlady.
Láılá Abdakımova – Qaraǵandy oblysynyń týmasy. Mektepti bitirgen soń Chehııa Respýblıkasynyń astanasy Pragaǵa bilim alýǵa ketken. Ondaǵy oqýyn ekinshi jyl jalǵastyryp jatqanda elge aýysýǵa sheshim qabyldady.
«Bul sheshimdi qabyldaýyma pandemııa áser etti. Negizi, vırýs Eýropa elderinde órship turǵanyn bilesizder. Álbette, bul vırýs bizdiń elge de taralyp úlgerdi. Biraq men Otanymda ózimdi qaýipsiz sezinemin. Chehııada vırýs órshigen sátte bizdi qysyqtaý kózimizge qarap qytaılyqtarǵa uqsatatyn eýropalyqtar kóshede kádimgideı qoldaryn shoshaıtyp «koronavırýs» dep aıǵaılaıtyn. Olarǵa ózińniń qytaı ultyna qatysyń joq ekenin túsindire almaısyń. Maǵan osy jaǵdaı qatty áser etti. Álemdik problemaǵa ózińdi kináli seziný – tym qıyn. Onyń ústine oqýshy kezimnen ózim qalaǵan ýnıversıtetimde oqýyma múmkindik týdy. Sol múmkindikti qoldan jibermeýdi jón kórdim. Al qujat qabyldaý jumysy jyldam bitti», deıdi L.Abdakımova.
Shetelden elge oqýyn aýystyrǵan stýdent endi Eýrazııa ulttyq ýnıversıtetinde óziniń IT mamandyǵy boıynsha oqýyn jalǵastyrady. Sheteldegi oqýynda aǵylshyn tilinde materıaldardy taýyp, cheh tiline aýdaryp júrgen ol Qazaqstandaǵy oqýynda qınalmaıtynyn aıtady.
