Aımaqtar • 17 Qyrkúıek, 2020

Iste irkilis bolmaýy tıis

56 ret kórsetildi

Ǵalamdyq jylynýdyń áseri­nen be, sońǵy jyldary munaı­ly óńirde qys qahary sonshalyqty baıqalmaı júr. Biraq aldaǵy qystyń qalaı bolaryn kim boljaı alar deısiń? Sol sebepten oblys ákimdiginiń qaýlysymen «Atyraý oblysynyń aýmaǵynda 2020-2021 jyldardyń kúzgi-qysqy kezeńinde nysandardyń jumysqa daıyndyǵy týraly» oblystyq vedomstvoaralyq komıssııa quryldy.

Atalǵan komıssııa kommýnal­dyq qyzmetterdiń qysqy maý­symǵa daıyndyǵy men «Maqat-Soltústik Kavkaz» magıstraldy gaz qubyryndaǵy aǵymdyq jóndeý jumysyna basa nazar aýdaryp otyr.

Oblys ákiminiń birinshi oryn­ba­sary jetekshilik etetin vedom­stvoaralyq komıssııa naqty atqarylatyn is-sharalardyń jos­­paryn bekitip, oryndalýyn­ qadaǵalaýǵa aldy. Jylý be­rý maýsymyna daıyndyq jumy­syn júrgizý úshin 5,7 mlrd teń­ge bólindi. Qoldaǵy derekke qaraǵanda, Atyraý qalasynda kóppáterli 1 737 turǵyn úı, 409 bilim berý, 147 densaýlyq saqtaý nysany bar.

Páter ıeleriniń koopera­tıvteri men kommýnal­dyq meke­melerdiń birlesken jumy­synyń nátıjesinde 1 402 turǵyn úı, 392 bilim berý jáne 135 densaýlyq saqtaý nysany gıdravlıkalyq synaqtan ótkizildi. Biraq áli de kommýnaldyq kásiporyndar jylý berý maýsymyna daıyndyq sharalaryn tolyq aıaqtaı qoıǵan joq. О́ıtkeni 19,6 shaqyrymdyq jylýmen qamtıtyn jeliniń 11,4 shaqyrymyna, 781,19 sha­qy­rym­ǵa sozylǵan elektr jeli­leriniń 679,47 shaqyrymyna, 3,08 shaqyrym sý jáne káriz júıe­sindegi jelilerdiń 2,3 sha­qy­rymyna ǵana aǵymdaǵy jón­deý jumystary júrgizildi. Desek te, kommýnaldyq saladaǵy kásiporyndardyń basshylary bir aıǵa jetpeıtin merzimnen keıin bastalatyn jylý berý maýsymyna saqadaı saı bolamyz degendi ustanyp otyr.

Qysqa ázirlik bastalysy­men ásirese ystyq sý berý jıi toq­taıdy. Munyń bir­ne­she se­bebi bar. «Atyraý jy­lý elektr ortalyǵy» AQ ma­man­­da­rynyń túsindirýinshe, birinshiden, qubyr jelisin jóndeý kezinde turba aýystyrylady. Ekinshiden, gıdravlıkalyq synaq júrgiziledi. Keıde osyndaı jóndeý jumystary birer aptada aıaqtalsa, Atyraý qalasynyń «Turǵyn úı qalashyǵy», «Nur­saıa» shaǵyn aýdandarynda bir aıǵa jýyq merzimge sozyldy. Turǵyndarǵa jazdyń aptaby bolsa da, osynsha ýaqyt ystyq sýsyz otyrýyna týra keldi. Endi mine, Atyraý qalasynda 16-27 qyrkúıekte ystyq sý berý taǵy da toqtatylmaq.

Mundaı irkilis tabıǵı gaz jelisinde de baıqalady. Máse­­len, «Intergaz Ortalyq Azııa» AQ-tyń magıstraldy gaz quby­ryna josparly jóndeý júr­gizildi. Sonyń ishinde «Maqat – Soltústik Kavkaz» magıstral­dy gaz qubyryndaǵy jóndeý jumystaryn júrgizý kezinde, naqtyraq aıtqanda, 1-7 qyr­kúıekte Maqat aýdanynyń Dossor kentinde, al 8-11 qyrkúıek ara­ly­ǵynda Atyraý qalasynyń sol jaq jaǵalaýyndaǵy turǵyn úı­ler men kásiporyndarǵa gaz berý toq­tatyldy.

О́ńirdegi qysqy maýsymǵa ázirlik kezinde kórinis tabatyn mundaı jaıt jyl saıyn qaı­talanyp turady. Sol sebepten Atyraý qalasynyń, irgeles eldi mekender men Mahambet aýdanyna qarasty Alǵa, Ortaqshyl, Esbol, Aqjaıyq, Eńbekshil aýyldarynyń turǵyndary da az kún tabıǵı gazsyz otyrýǵa túsinistikpen qarap keledi. Árıne «kógildir otyn» toqtatylǵan kezde tutynýshylar elektr qýatyn ádettegiden kóbirek tutynary daý­syz. Sondyqtan «Atyraý jylý elektr ortalyǵy» AQ elektr ener­gııasymen úzdiksiz qamtý úshin mazýt otynyn jaǵýǵa májbúr boldy.

 

Atyraý oblysy

 

Sońǵy jańalyqtar

Saqtansań – saý bolarsyń

Aımaqtar • Búgin, 23:00

Sırk - álem nazarynda

Qazaqstan • Búgin, 20:51

Qaraǵandy oblysynda kıik eti tárkilendi

Aımaqtar • Búgin, 16:48

Shekteýge túsken shekti álem

Álem • Búgin, 16:35

Uqsas jańalyqtar