Qarbyz kádimgideı qunarly alqapta emes, mekemeniń aýlasynda bos jatqan toqymdaı jerge egilipti. "Ulttyq saraptaý jáne sertıfıkattaý ortalyǵy" oblystyq fılıalynyń qyzmetkerleri álgi jerden alpystan astam qarbyz jınap alypty. Kórgenniń bári tań-tamasha. Aıtýlaryna qaraǵanda, elordadan ártúrli jemis dánin arnaıy ákelip, aýlaǵa otyrǵyzý tájirıbesi bar eken.
Bul joly astrahandyq qarbyz tuqymyn mamardyń ortasynda topyraqqa sińirgen. Áıtse de, alǵashqy bette shyǵar ma, shyqpas pa eken dep kóńilderi de kúpti bolǵanǵa uqsaıdy. Qyltıyp kóringen soń qulaǵynan tartqandaı eńbekterin sińiripti. Kún saıyn sýaryp, mańaıyndaǵy aramshóbin julyp, baladaı baptaǵan.
Sirá, bıylǵy jyldyń qara qarǵanyń mıy qaınaıtyndaı ystyǵy áser etken bolýy kerek, alǵashqy ónimnen ózderi dám tatypty. Ortasha salmaǵy 14 kelige jetken qarbyz qulaqtanǵan jurttyń qushaǵynda ketken. Keler jyly arnaıy oryn daıyndamaq. Kim bilsin, baǵaly bastama eleńdegen el tarapynan qoldaýǵa ıe bolsa, qolat-qoınaýy qazynaǵa tunyp turǵan Kókshetaýdyń tósinde de qarbyz ósirýge bolatyn shyǵar.
Kókshetaý qalasy
