Qazaqstan • 17 Qyrkúıek, 2020

Qazaqstanda qus tumaýynyń oshaqtary tabyldy

43 ret kórsetildi

Arnaıy komıssııanyń sheshimimen ólgen qustardyń ıelerine janýarlardyń ortasha aılyq naryqtyq quny mólsherinde ótemaqy tólenedi, dep habarlaıdy Egemen.kz Aýyl sharýashylyǵy mınıstrliginiń baspasóz qyzmetine silteme jasap.

9-16 qyrkúıek aralyǵynda Soltústik Qazaqstan oblysynyń jeti aýdanynda (Tımırıazev, Taıynsha, Jambyl, Qyzyljar, Shal aqyn, Ǵ.Músirepov, M.Jumabaev) ártúrli úı qustarynyń ólimi tirkeldi.

Ulttyq anyqtamalyq ortalyq qanattylardyń qyrylýynyń sebebi joǵary patogendi qus tumaýy ekenin anyqtady. Qabyldanǵan erejelerge sáıkes, Qazaqstan Respýblıkasy Dúnıejúzilik janýarlar densaýlyǵyn saqtaý uıymyna aýrýdyń órshýi týraly habarlady.

Sol sebepti óńirde joǵary patogendi qus tumaýynyń taralýyna jol bermeý maqsatynda keshendi sharalar qabyldanyp jatyr: vaksınalar alyndy, indet tirkelgen aýmaqtar zalalsyzdandyrylýda, qustardyń ólekseleri joıylýda, qus sharýashylyǵy ónimderin tasymaldaýǵa tyıym salyndy.

"Eldegi epıdemııalyq jaǵdaıdy shuǵyl qalpyna keltirý jáne qus tumaýynyń taralyp ketpeýine jol bermeý maqsatynda QR AShM veterınarııalyq baqylaý jáne qadaǵalaý komıteti 2020 jylǵy 17 qyrkúıekten bastap Soltústik Qazaqstan oblysynyń Tımırıazev, Taıynsha, Jambyl, Qyzyljar, Shal aqyn, Ǵ.Músirepov, M.Jumabaev aýdanynan tiri qus jáne ınkýbasııalyq jumyrtqa, mamyq pen qaýyrsyn, qus eti men qus sharýashylyǵy ónimderiniń barlyq túrlerin, qustarǵa arnalǵan jemshóp pen jemshóp qospalaryn, sondaı-aq buryn paıdalanýda bolǵan qustardy kútip-baǵýǵa, soıýǵa jáne músheleýge arnalǵan jabdyqtardy shyǵaryýǵa ýaqytsha shekteýler engizdi", dep málimdedi QR AShM baspasóz qyzmeti.

Asa qaýipti aýrýdy joıý úshin QR AShM veterınarııalyq baqylaý jáne qadaǵalaý komıtetiniń Respýblıkalyq epızootııaǵa qarsy otrıady jáne Soltústik Qazaqstan aýmaqtyq ınspeksııasy qazirgi ýaqytta mindetti is-sharalar keshenin, onyń ishinde qustardyń ólekselerin joıý, úı-jaılar men aýla aýmaqtardy dezınfeksııalaý jumystaryn júrgizýde.

Reseı Federasııasymen shekaralas aýmaqtarda janýarlardy vaksınasııalaý úshin joǵary patogendi qus tumaýyna qarsy 873 myń otandyq preparat bólindi.

Arnaıy komıssııanyń sheshimimen QR AShM veterınarııalyq baqylaý jáne qadaǵalaý komıtetiniń Respýblıkalyq epızootııaǵa qarsy otrıady ólgen qustardyń ıelerine janýarlardyń ortasha aılyq naryqtyq quny mólsherinde ótemaqy tóleıdi.

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar