Aımaqtar • 17 Qyrkúıek, 2020

Alan Bóribaevtyń shalqar shabyty

83 ret kórsetildi

Pedagogıkalyq sheberlik ortalyǵynyń "Shabyt" baǵdarlamasy aıasynda "Nazarbaev Zııatkerlik mektepteri" derbes bilim berý uıymy qyzmetkerleriniń Alan Bóribaevpen onlaın kezdesýi ótti, dep habarlaıdy Egemen.kz.

Sóz basynda "Nazarbaev Zııatkerlik mektepteri" DBBU Basqarma tóraıymy Kúlásh Shámshıdınova áriptesterine taǵylymy mol kezdesýdiń qadirli qonaǵy, Qazaqstan Respýblıkasynyń eńbek sińirgen qaıratkeri, Qazaqstan Respýblıkasy Memlekettik syılyǵynyń laýreaty, "Astana Opera" memlekettik opera jáne balet teatrynyń bas dırıjeri, dırıjerlerdiń kóptegen eýropalyq konkýrstarynyń jeńimpazy Alan Bóribaevty tanystyrdy.

Juldyzdy maestronyń kásibı jetistikteri Qazaqstannyń mýzykalyq ónerin elimizde ǵana emes, kúlli álemge pash etti. Búginde dırıjer Oslo, Helsınkı, Gambýrg, Berlın, Mılan, Melbýrn, AQSh, Koreıa, Japonııa men Ulybrıtanııanyń fılarmonııalyq orkestrlerimen óner kórsetedi.

"Álemniń ártúrli mýzykalyq toptarymen birlese jumys jasaýǵa beıverbaldy qarym-qatynas tili  – mýzyka tili kómektesedi", deıdi maestro.

1

Kezdesý barysynda Alan Asqaruly jınalǵan onlaın aýdıtorııaǵa   barsha orkestrlary sekildi vırtýaldy ári sheber dırıjerlyq ete bildi. Onyń kásibı tańdaýyna yqpal etken balalyq shaqtyń qyzyqty oqıǵalary, elimizdegi jáne sheteldegi shyǵarmashylyq jetistikteri, operalyq óneriniń bolashaǵy, jańa jobalary, sondaı-aq, G. Malerdiń aty ańyzǵa aınalǵan Sımfonııa №8, biregeı qoıylym "Myń qatysýshynyń sımfonııasy" jáne Ahmet Jubanov pen Latıf Hamıdıdiń "Abaı" operasynyń jańa nusqasy – atalǵandardyń barlyǵy aıryqsha talant ıesiniń jankúıerleriniń qyzyǵýshylyǵyn týdyrdy.

"Klassıkalyq mýzyka ómirdi túsinýge jáne oǵan shynaıy qýana bilýge kómektesedi", deıdi Alan Bóribaev. Juldyzdy maestronyń ómirlik ustanymy – "Bastaǵan isińde jetistikke jetken saıyn, jańa shyńdardy baǵyndyryp, jańa maqsattarǵa qol jetkizgiń keledi".

Kópshilikke keń taraǵan "Shabyt" baǵdarlamasy "Nazarbaev Zııatkerlik mektepteri" derbes bilim berý uıymynyń elordalyq qyzmetkerleri otandyq áıgili óner qaıratkerlerimen júzdesýge múmkindik alatyn Pedagogıkalyq sheberlik ortalyǵynyń tabysty jobasy.

 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar