Oǵan qazaqstandyq jáne japondyq kompanııalar onlaın rejımde qatysty.
Japonııalyq "Tokyo Rope" kompanııasy fılıalynyń dırektory Azamat Asylbekovtiń málimetine súıensek, qol qoıylǵan qujattarǵa sáıkes, bir joba Nur-Sultanda, al eki jobany Atyraý oblysynda qolǵa alý josparlanyp otyr.
Naqtylaı aıtqanda, Atyraý qalasynda Japonııanyń zamanaýı medısınalyq quraldarymen jabdyqtalatyn kópfýnksıonaldy dıagnostıkalyq ortalyq ashylady. Kelisim aıasynda qazaqstandyq medısına mamandary Japonııada daıarlaý jáne taǵylymdamadan ótedi. Jobalyq quny 25 mln AQSh dollaryn quraıtyn bul ortalyq Qazaqstannyń ǵana emes, taıaý jáne alys shet elderdiń emdelýshiler úshin medısınalyq týrızmdi damytýǵa jol ashpaq.
Sondaı-aq, japondyq ozyq tehnologııamen munaı óńdeý, taý-ken óndirý jáne qurylys salalary úshin metall ónimderin shyǵaratyn zaýyt ta salynady. Onyń quny 8 mln AQSh dollaryn quraıdy.
