Aımaqtar • 17 Qyrkúıek, 2020

Qostanaı oblysynda jol jóndeý barysynda 200-den astam óreskel qatelik anyqtaldy

24 ret kórsetildi

Aımaqtaǵy  avtokólik joldary 57 mln teńge qarjyǵa qaıta jóndeýden ótýde. Bul týraly óńirlik kommýnıkasııa qyzmeti ortalyǵynda ótken baspasóz jıynynda Jol aktıvteriniń sapasy ulttyq ortalyǵy oblystyq fılıalynyń basshysy Abylaıhan Alshynbaev málimdedi, dep habarlaıdy Egemen.kz.

"Jyl basynan beri Qostanaı oblysyndaǵy avtomobıl joldaryna 600 ret ınspeksııalyq tekseris júrgizildi. Nátıjesinde 800 kemshilik anyqtaldy. Onyń ishinde 200-den astam óreskel qatelik oryn alyp otyr", dedi A.Alshynbaev.

3

Fılıal basshysy jol jóndeýge qatysty kemshilikterdi sanamalap ótti.  Mysaly, oblystyń kólik joldaryn ońdaý barysynda asfalt-beton qospasy jolǵa talapqa saı jetkilikti deńgeıde qyzdyrylmaı tóseledi.  

1

Temirbeton buıymdary durys qoıylmaıdy. Sondaı-aq, jumys tehnologııasy saqtalmaıdy. Jańa tóselgen asfaltqa tıisti kútim jasalmaıdy. Joldyń astyńǵy qyrtysy durys tyǵyzdalmaıdy. Jóndeý júrip jatqan jol ýchaskesinde jol-qurylys  tehnıkasynyń kesheni kóbine jetkiliksiz bolyp shyǵady.

Fılıal tapsyrys berýshiler men merdigerlerge jol jóndeýde kezdesetin kemshilikterdi joıý týraly 270 hat joldaǵan.

 

Qostanaı oblysy

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar