Seksııa "Teń múmkindikter álemi" qoǵamdyq qory júzege asyratyn "Salamatty bolashaq" áleýmettik jobasynyń aıasynda iske qosylyp otyr. Joba Nur-Sultan qalasynda 2017 jyldan beri júzege asyrylyp keledi. Al bıyl Shymkent qalasy men basqa da óńirlerde bastaldy.
Jobanyń ashylý saltanatyna - Shymkent qalasy ákiminiń birinshi orynbasary Shyńǵys Muqan, "Teń múmkindikter álemi" qoǵamdyq qorynyń dırektory Nurgúl Uljekova, dáriger-reabıtolog Aınur Nurqojaeva, qalalyq dene shynyqtyrý men sport basqarmasynyń ókilderi, jas sportshylar men olardyń ata-analary qatysty.
Jobanyń maqsaty – elde beıimdi dene shynyqtyrý salasyn damytý, múmkindigi shekteýli balalar men kóp balaly otbasylardyń balalaryna arnalǵan beıimdi sport seksııalar júıesin qurý.
Endi Shymkenttegi BSP, aýtızm jáne Daýn sındromy sekildi dıagnozy bar balaqaılar da beıimdi fýtbol, júzý, taekvonda jáne bochcha úıirmelerine tegin qatysa alady.
Joba Bas seriktes – "Samruk Kazyna Trust" áleýmettik jobalar qorynyń qoldaýymen júzege asyrylyp keledi. Shymkenttegi jobaǵa Nur Otan partııasy, "Qasıetti jol – Shymkent" ońaltý ortalyǵy sekildi áleýmettik seriktester men jergilikti atqarýshy organdar da qoldaý kórsetýde.
