Atalǵan derekti fılmder toptamasy túrik jáne aǵylshyn tiline aýdarylyp, sheteldik telearnalarda kórsetilmek.
Ulttyq ónerdi nasıhattaýshy – jyrshy, kúıshi, búrkit, tazy baptaýshy, dombyra, er jasaıtyn usta jáne basqa da keıipkerler týraly syr shertetin týyndy óńirdiń oń ımıdjin qalyptastyrý maqsatynda ótkizilgen baspasóz máslıhaty barysynda tanystyryldy. Derekti fılmderdiń keıipkerleri kelestik jyrshy, termeshi Abylaı Bórihanov pen otyrarlyq sýretshi Ádilhan Málik halqymyzdyń san ǵasyrlar boıy atadan balaǵa mıras bolyp jetken rýhanı jáne mádenı qundylyqtar týraly sóz órbitti. Jobanyń rejısseri Meıirjan Alıakbarovtyń málimdeýinshe, qazaq mýzykasyn, mádenıetin, salt-dástúrin nasıhattaýǵa baǵyttalǵan dúnıelerdiń biri, ıaǵnı uly kompozıtor Shámshi Qaldaıaqovtyń 90 jyldyq mereıtoıyna arnalyp, Vengrııa, Bashqurtstan, Germanııa, Býrıatııa, Qyrǵyzstan, Ýkraına, Reseı, Armenııa, Bolgarııa, Qazaqstan elderi óner sheberleriniń oryndaýyndaǵy «Qýanysh valsi» ánine túsirilgen beınebaıan áleýmettik jelidegi eń kóp taralǵan chellendj klıp bolǵan.
Jıynda, sondaı-aq, Elbasynyń «Bolashaqqa baǵdar: rýhanı jańǵyrý» maqalasyndaǵy «Týǵan jer» baǵdarlamasyna baǵyttalǵan óńirdiń tabıǵaty tamasha mekenderi men kıeli oryndarǵa saıahatqa shaqyratyn «Týǵan el» ánine túsirilgen klıptiń tusaýy kesildi.
Túrkistan oblysy
