Qazaqstandyq sarbazdardyń súıekteri ótken jyly «Eske alý vahtasy» aksııasy aıasynda tabylǵan bolatyn. Qaza bolǵandardyń medalondarynda saqtalǵan málimetteri negizinde olardyń aty-jónderi men shaqyrý orny anyqtaldy. Azyqan Nuǵymanov Tver oblysynda, Jaǵypar Qaılarov Lenıngradta urysqa qatysqan.
Olar Aqmola oblysy, Birjan sal aýdany, Stepnıak qalasy men Almaty oblysy, Ile aýdany, Jetigen aýylynda jerlendi. Maıdanda qaza tapqan jaýynger Azyqan Nuǵymanovtyń týystaryn tabý ázirge múmkin bolmady. Ony jerleýmen Birjan sal aýdanynyń ákimdigi aınalysady, ony aýdandyq áskerı komıssarıat maıdanǵa shaqyrǵan (burynǵy Eńbekshilder aýdany). Al Jetigen kentinde Jaǵypar Qaılarovtyń týystary jaýyngerdi týǵan jerinde jer qoınyna tapsyrý sharasyn úlken tolqynyspen kútýde. Jerleý rásimine Qorǵanys mınıstrliginiń, jergilikti atqarýshy organdardyń ókilderi, ardagerler men aýyl turǵyndary qatysady.
Qazaqstandyq jaýyngerlerdiń súıekterin tabystaý jáne jerleý boıynsha daıyndyq jumystary Qorǵanys mınıstrliginiń áskerı attashe apparatynyń jáne Qazaqstan Respýblıkasynyń Reseı Federasııasyndaǵy elshiliginiń járdemimen ótti.
