Qarjy • 18 Qyrkúıek, 2020

«Pıramıdaǵa» aldaný – soqyr senimniń nátıjesi

28 ret kórsetildi

Jyl basynan beri Ishki ister organdary qarjy pıramıdalaryn uıymdastyrý men qurý boıynsha 217 qylmystyq isti tergep, 116 isti sotqa joldady. Bul týraly mınıstrliktiń Tergeý departamentiniń bastyǵy Sanjar Ádilov habarlady.

Onlaın brıfıngte aı­tyl­ǵandaı, qazirgi tańda jalpy sa­ny 79 kúdikti jaýapqa tartylýda. Tergeý departamenti túrli qar­jy pıramıdalaryna qatysty 13 qylmystyq isti tergep jatyr.

– Máselen, «Garant 24 Lom­bard», «EЅTATE Lombard» já­ne «Tıimdi qa­ryz» kompanııa­laryna qatysty jábir­le­ný­shi­lerden 17 myńnan astam shaǵym tústi. Olar 22 mlrd teń­geden astam mate­rıaldyq zalal shekkeni anyq­taldy. Osy uıym­dardyń basshylaryna qatysty 32 qylmystyq is tirkeldi, 51 kúdikti qyl­mystyq jaýapqa tartylýda, 7 kúdiktige izdeý salyndy, – dedi S.Ádilov.

Qarjy pıramıdalary týraly qyl­mys­tyq isterdi tergeý aıasynda Qazaq­stannan tys jerlerde de kúdiktilerdi ustaý sharalary júrgizilýde. Jaqynda Ult­tyq gvardııanyń arnaıy borty Mol­dovadan, Reseıden jáne Qyrǵyzstannan úsh kúdiktini elge alyp keldi. Qa­zir olar tergelip jatyr. Bul úsh kú­diktiden quqyq qorǵaýshylar 70 mln teńgeden astam aqsha tárkilegen.

Sondaı-aq Qnet kompa­nııa­synyń ókil­derine qatysty «Qarjylyq (ınves­tısııalyq) pıramıda qurý jáne ony bas­qarý» baby boıynsha 20 qyl­mystyq is tergelip jatqany aıtyldy. Atalǵan kompanııanyń bas keńsesi Malaızııada orna­las­qan. Adamdardy túrli zergerlik buıymdar satý arqyly jelilik marketıngke tartady. Bastapqy jarnasy 30 dollardan bastalady. Qazirgi tańda Qnet aldap soqqan azamattardan 211 aryz-shaǵym tústi. Materıaldyq shy­ǵyn mólsheri 160 mln teńgeni qurady. Res­pýb­lıka boıynsha 29 qylmystyq is tergelip jatyr. Qazir jedel tergeý sharalary júrgizilýde. Malaızııaǵa halyqaralyq tergeý tapsyrmasy joldanǵan.

S.Ádilov turǵyn úı qury­ly­syn kooperatıv qurý arqy­ly júrgizgen keıbir kompa­­nııalardyń ústinen de qylmy­styq is qozǵalyp jatqanyn aıtty. Máselen, elordadaǵy Expo New Life turǵyn úı kesheni úles­kerleriniń ótinishimen «Shang Hı Grýp» JShS-nyń basshylary tergelip jatyr. Bul qylmystyq is boıynsha Tergeý departamenti eki epızod tirkegen, salymshylar shekken zalal kólemi 2 mlrd teńgeden asady.

Sol sııaqty Mańǵystaý oblysynda «Mahabbat» turǵyn úı keshenin salýǵa baılanysty da qylmystyq is qozǵaldy. Munda 21 úlesker jábirlenýshi bar, zalal 252 mln teńgeden asady.

– Tergeý tájirıbesi kór­set­kendeı, qarjy pıramıdalary – tez baıyp ketkisi keletin, mol tabys tabýǵa ýáde beretin ag­ressıvti jarnamaǵa qarsy tura almaıtyn azamattarymyzdyń soqyr seniminiń nátıjesi. Biz tu­­raqty túrde BAQ arqyly ha­lyq­qa qarjy pıramıdalary­na qa­tysty qylmystyq ister týra­ly túsindirý ju­mys­taryn júr­gizemiz, biraq bul – jet­ki­liksiz. Mundaı aýqymdy ju­mysty múd­deli memlekettik or­gan­­dar – Ulttyq bank, Qar­jy mınıstrligi, Aqparat jáne qo­ǵam­dyq damý mınıstrligi de júrgizip ja­tyr, – dedi tıisti departament basshysy.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar