Rýhanııat • 18 Qyrkúıek, 2020

«Rýhanı jańǵyrý» – ult sapasyn arttyrý

76 ret kórsetildi

Qazaqstan Respýb­lı­ka­synyń Prezıdenti Qasym-Jomart Kemeluly Toqaevtyń «Jańa jaǵ­daıdaǵy Qazaqstan: is-qımyl kezeńi» atty Jol­daýynyń 11-tarmaǵy bizdiń aldymyzǵa ulttyń jańa bolmysyn qalyptastyrý, ult sapasyn arttyrý mindetin qoıdy. Bıyl bastaý alǵanyna úsh jyl tolyp otyrǵan «Rýhanı jańǵyrý» baǵdarlamasy sheńberinde jeke adamdy mádenı baıytýǵa jáne ulttyq sanany nyǵaıtýǵa baǵyttalǵan 13 arnaıy joba júzege asyrylýda.

Jaman tumaýǵa baılanysty týyndaǵan ózgerister qazirgi zamanǵy syn-tegeýrinderdi eskere otyryp, qazaqstandyqtardyń tulǵalyq damýy men kásibı qabiletterine qatysty júrgizilip jatqan jumystardy halyqtyń dástúri men ádep-ǵurpyn saqtaý arqyly kúsheıtý qajettigin kór­setti.

Osy oraıda bıyl «Rýhanı jań­ǵyrý» baǵdarlamasyna  «Dás­túr men ǵuryp», «Eńbek – eldiń muraty», «Únem – qoǵam qýaty», «Quqyqtyq mádenıet», «Ekologııalyq aǵartý» baǵy­tyndaǵy mańyzdy  jańa arnaıy jobalardyń qosylýy tulǵalyq damýǵa baǵyttalǵan baǵdarlamanyń jańa bir deńgeıge ótýine negiz boldy. Árbir arnaıy jobaǵa tujyrymdama daıyndalyp, onda arnaıy jobany júzege asyrý nysany, kútiletin nátıjesi men jaýapty memlekettik organdar belgilendi.

Jańa arnaıy jobalardyń engizilýi Qazaqstan Respýb­lı­ka­synyń Tuńǵysh Prezıdenti – Elbasy N.Á.Nazarbaevtyń bastamasymen iske asyryla­tyn «Rýhanı jańǵyrý» baǵdarla­masynyń tıimdiligine oń áser ete­tindigi sózsiz. Oǵan aıǵaq eli­mizdiń ózge óńirlerindegideı oblystyq «Rýhanı jańǵyrý» óńirlik jobalaý keńsesiniń de jyl basynan beri osy alty baǵyttaǵy on segiz arnaıy jobany júzege asyrý barysynda atqaryp otyrǵan jumysy, onyń qoǵam tarapynan qabyldanýy jáne oń nátıjesi.

Atap aıtsam, «Rýhanı jańǵyrý» óńirlik jobalaý keń­se­siniń bastamasymen,  Aqan seri atyndaǵy joǵary máde­nıet kolledjiniń qol­da­ýy­men qurylǵan «EL Jastar» eks­pe­rı­mentaldy-labora­torııa­lyq­ jas­­­tar teatrynyń uly aqyn Abaı Qunanbaıulynyń 175 jyldyq mereıtoıyna arnalǵan «Jastyqtyń oty jalyndap...» atty perfomans janryndaǵy qoıy­lymynyń premerasyn kópshilik jyly qabyldady. Izinshe «Aýdıokitap» jobasy aıasynda osy teatrdyń talantty akterleriniń qatysýymen, zamanaýı tehnologııalardyń qol­danylýymen «Aqmola obly­synyń aqyn-jazýshylary» aýdıo­kitaptarynyń birinshi serııasy ázirlenip, adebiportal.kz saıtyna ornalastyryldy. Nátıjesinde Kókshe óńiriniń ataqty jazýshyla­rynyń 9 kita­bynyń aýdıo nusqasy usy­nyldy. Jyl sońyna deıin aýdıo­kitaptardyń ekinshi serııasyn shyǵarý josparlanyp otyr. 

Til oqytý ortalyǵynyń qol­daýymen «Qalamger qazy­nasy» jobasy aıasynda Aqmola oblysynan shyqqan kórnekti qalamgerler kitaptarynyń elektrondy nus­qalary ázirlenip,  adebiportal.kz saıtynda ornalastyryldy. Bul joba aıasynda jaryq kórgen 20 elektrondy kitap qalyń oqyr­mannyń qyzyǵýshylyǵyn týdyrdy.

Jastardyń belsendiligin arttyrý maqsatynda Kókshetaý qalalyq elektrondy kitap­ha­nasynda Aqan seri atyndaǵy Kókshetaý joǵary mádenıet kol­ledji, «Arna» kolledji, Shoqan Ýálıhanov atyndaǵy kóp­salaly kolledj, Kókshetaý joǵary me­dısınalyq kolledji, Kók­shetaý azamattyq qorǵanys kol­ledji stýdentteriniń qatysýy­men «Jańa kózqaras – jańa múm­kin­dikter» atty brain ring for­matyndaǵy zııatkerlik oıyndar da tartymdy ári qyzyqty ótti.

Bıyl Abaı Qunanbaıulynyń 175 jyldyq mereıtoıyna oraı «Adamzattyń bárin súı baýyrym dep...» atty oblystyq alǵash onlaın rejimdegi aqyndar aıtysy kórermen kóńilinen shyqty. Keshe ǵana «Biz – Abaı jolyndamyz»  respýb­lıkalyq baıqaýy da máresine jetti. Uly aqyn Abaı Qunanbaıulynyń 175 jyldyq mereıtoıyna oraı Aqmola oblysy «Rýhanı jańǵyrý» óńirlik jobalaý keńsesi oqý-ádistemelik ortalyǵymen birlese otyryp respýblıkalyq «Biz – Abaı jo­lyndamyz» onlaın esse baıqaýyn ótkizdi. Baıqaýǵa qaty­sýǵa tilek bildirgen 42 úmit­ker zańǵar jazýshy Muhtar Áýe­zovtiń «Abaı joly» roman-epo­peıasyn oqyp shyǵyp, aqtyq kezeńge joldama aldy. Onlaın baıqaýdyń maqsaty da sol, «Abaı joly» romanynyń jappaı oqylymyn uıymdastyryp, jastar arasynda Abaıdyń ta­rı­hı tulǵasyn keńinen tanymal etý boldy. Baıqaýdyń qory­tyndy kezeńi ǵalamtorlyq konferensııa arqyly ótti. Bul ke­zeńde qatysýshylar Zoom mo­bıldik qosymshasy arqyly Aq­mola oblysy oqý-ádistemelik or­talyǵynyń vebınaryna qo­sylyp, «Abaı joly» romany negizinde «Atanyń uly emes, eliniń uly» taqyrybynda shaǵyn esse jazyp, daıyn bolǵan týyndylaryn Aqmola oblysy «Rýhanı jańǵyrý» óńirlik jobalaý keńsesine joldady. Al baıqaýǵa orys tilinde qatys­qan úmitkerler «Dýhovnaıa natýra poeta ı melodııa lıýbvı» taqyrybyna qalam siltedi.    

Ultaralyq tatýlyqty ny­ǵaı­tý, qoǵamdaǵy birlik pen yn­tymaqty úlgi etý maqsatynda «Qazaq otbasynyń jylýy» jobasyn usyndyq. Onyń maqsaty – qazaq otbasylaryna kelin bolyp, sol áýlettiń bar dástúri men saltyn boıyna jınaı bilgen ózge ult áıelderi týraly aıtý. Prezıdent Joldaýynda bel­gili Alash qaıratkeri Ahmet Baıtursynulynyń: «Bilimdi bo­lýǵa oqý kerek. Baı bolýǵa kásip kerek. Kúshti bolýǵa birlik kerek. Osy kerekterdiń jolynda jumys isteý kerek» degen sózi mysalǵa keltiriledi.

«Qazaq otbasynyń jylýy» jobasy barsha qazaqstandyqtarǵa ortaq ultaralyq tatýlyq pen ózara túsinistikte ózge ult ókil­derin biriktirip otyrǵan qazaq sha­ńyraqtary týraly baıandaıdy.  Bul jobanyń alǵashqy qonaqtary Barlybaevtar men Jaqypbekovtar boldy.

Qorshaǵan ortany aıa­laý maq­­sa­tynda «Kókshetaý – kók qaraǵaı me­­ke­ni» atty eko­lo­gııa­lyq aksııa­syn­ da bıyl ja­rııa­laǵymyz kelip otyr.

Osy jobalardyń barlyǵy derlik Aqmola oblystyq ish­ki saıasat, mádenıet, bilim basqar­malarymen birlesip atqarǵan ju­mys­tyń nátıjesi. О́z maqsa­tyna sáıkes mindetin tolyq at­qara­tyn, qoǵamnan qoldaý tapqan jo­ba­lar árıne ómirsheń bolmaq. «Rýhanı jańǵyrý» baǵytyndaǵy jumystyń oń nátıjesin kórý úshin áli ondaǵan jyldar qa­jet bolar, biraq ta biz búgin qo­ǵam­ǵa oı tastap, ótkenimiz ben bú­gini­mizdi saralap, ár tulǵanyń júre­gine jetip, sana­syna rýhanı baıly­ǵymyzdy tam­shylap bolsa da sińirýdi jón kórdik.

 

 Maral JAQYPOVA,

 Aqmola oblysynyń «Rýhanı jańǵyrý» óńirlik jobalaý keńsesiniń basshysy

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar