BAǴYNDYRATYN BIR BELES BAR

Osy kúnderi Beıjiń Olımpıadasynyń chempıony Baqyt Sársekbaevtyń Boks federasııasynda jumys isteıtinin jankúıerler jaqsy bilse kerek. Onyń qazirgi qyzmeti – ulttyq quramanyń jumysyn úılestirý. Bul jumysqa Baqyt­ty onyń Olımpıadadan keıin biraz ýaqyt tynyǵyp, jaraqatyn emdep alǵan soń federasııa basshylyǵy óz isine jaýapty, bokstyń barlyq qyr-syryn biletin maman­dar­dy tartyp, bapkerlermen, óziniń ókshesin basyp kele jat­qan bylǵary qolǵap sheberlerimen jumys isteý maqsatynda shaqyrǵan bolatyn. Sodan beri, mine, biraz ýaqyt ótti. B.Sársekbaevty týrnırler men jarystarda jıi kez­des­ti­remiz. Jaqynda onymen Boks federasııasynda júz­desýdiń sáti túsip edi. Oǵan alǵashqy saýalymyz da boksqa qaıtyp kelýge nıeti bar-joǵyn bilýge qatysty qoıyldy. – Boksqa qaıta oralýym týraly másele áli tolyq sheshilgen joq. Onyń bárin ýaqyt kórsetedi. – Eger boksqa qaıta kelip jatsań, qaı salmaqta qalasyń? 69-da ma? ­– 69-da. – Osy salmaqta bizde bir-birimen básekeles jigitter bar ǵoı. Solardyń ishinde kimdi atap aıtar ediń? – Eshkimdi bólip-jaryp ata­maı-aq qoıaıyn. 69-da bizde talant­ty, daryndy boksshylar bar. Muny bıylǵy Qazaqstan chem­pıonaty kórsetip berdi. Kimniń myqty, kimniń osal ekeni osyndaı básekelerde kórinedi. Qazir biz jastarymyzdyń ózderin kórsetý­lerine múmkindik berip otyrmyz. Degenmen, orys halqynda “Svoı ne svoı, a na doroge ne stoı” de­gen bar. Sol sóz durys aıtylǵan. – Olımpıadadan keıin bokspen qoshtasqanda júregińniń túkpirinde báribir boksqa qaıta kelermin degen oıǵa oryn boldy ma? – Iá, Olımpıadadan keıin qolymnan jaraqat alyp, boksty osymen birjolata qoıarmyn degen oıym boldy, árıne. Maǵan ol kezde biraz ýaqyt demalyp, jara­qatymdy emdeý kerek edi. Endi ekinshi ret talpynys jasaı­tyn ýaqyt kelgen sııaqty dep oılaı­myn. Muny ózimniń, jastar­dyń baby qalaı eken, sony baıqap kórý úshin jasap otyrmyn. – Boks federasııasynda istep júrgenińe biraz ýaqyt boldy. Qa­zir­gi jumysyń týraly ne aıtasyń? – Qazir ulttyq quramanyń jumysyn úılestirýshi bolyp isteımin. Federasııada budan basqa áıelder ulttyq quramasy jáne tóreshiler jumysyn úılestirýshi bolyp belgili boks mamany Berik Myrjyqbaev, jastar jáne jasós­pirimder komandasynyń jumysyn úılestirýshi, memlekettik bapker Bolat Ábdirahmanov, Qazaqstan­nyń ishki jarystaryn ótkizý jáne WCB búkilálemdik serııasyna qatysýdy uıymdastyrý jumysyn úılestirýshi Bolat Mankenov, halyqaralyq baılanys jóninde úılestirýshi Ázız Qojambetov pen ǵylymı jumys jáne medısına­lyq qyzmet kórsetý jóninde úıles­­tirýshi bolyp Sadat Molda­kárim jumys isteıdi. Meniń min­detim – bas bapkermen, aǵa bap­ker­lermen tyǵyz baılanysta jumys isteý. Biz qazir kelesheginen úmit kúttiretin jastarǵa jol kórsetip, olardy úıretip jatyr­myz. Ol úshin shetelden de mamandar shaqyrdyq. Olar óz tájirıbelerimen bólisýde. Jalpy, qazir elimiz boıynsha bokstyń bedelin kóterý úshin úlken jumystar qolǵa alynyp otyr. Qazaqstan Boks federasııa­syna prezıdent bolyp Tımýr Quly­­baev kelgeli beri elimizdiń barlyq óńirlerinde boksty damy­tý­dyń jańa joba-jos­par­lary jasala bastady. Mysaly, bıylǵy jyldyń qyrkúıek aıyna deıin barlyq oblystarda “Boks saraıy” salynatyn bolady. Muny kóp jerde jankúıerler aýzynan tastamaı aıtyp júr. Bul áýeli balalar men jastardyń arasynan talantty boksshylardy iriktep alýǵa múmkindik berse, ekinshi jaǵynan boksty buqaralyq sport deńgeıine kóterýge yqpal etetin bolady. Federasııanyń qolǵa alǵan taǵy bir jumysy – ulttyq qura­many jasartý. Ony ózderińiz de kórip júrsizder. Iаǵnı, talantty jastardy negizgi komandaǵa shaqyr­­typ, olardy iri halyqara­lyq jarystarǵa qatystyrý bas­taldy. Búginde Boks federa­sııasy osyndaı jarystarǵa úlken mán berip keledi. О́ıtkeni, bıyl Qytaıdyń Gýanchjoý qalasynda jazǵy Azııa oıyndary ótedi. Sondyqtan federasııanyń basshysy Tımýr Asqaruly ulttyq quramaǵa da, jastar quramasyna da erekshe mán berip, olardyń daıyn­dyǵy úshin barlyq jaǵdaıdy jasaý­da. Osyndaı halyqaralyq deń­geıdegi jáne respýblıkaishilik sharalardy úılestirýde federasııa­nyń atqarýshy dırektory Danııar Ábilǵazın úlken jumystar atqa­ryp keledi. – Mysaly, qandaı? – Mysaly, birinshi nómirli boksshylar 2 500, al ekinshi nómir­li boksshylar 1 500 dollar­dan jalaqy alyp turady. Munyń ózi boksshylar úshin úlken demeý, qoldaý emes pe. Jalpy, búginde Qazaqstan boksyn damytý úshin jaqsy jobalar iske qosylyp otyr. Federasııa basshysy elimiz­diń barlyq óńirlerinde balalar men jastardyń bokspen aınaly­sýyna jaqsy jaǵdaı jasaý úshin naqtyly jumystardy bastady. Onyń ishine arnaıy boks mektep­terin ashý, tóreshiler daıyndaý, jarystardy halyqara­lyq talap­tarǵa saı ótkizý, ǵyly­mı-medısı­nalyq jetistikterdi paıdalaný sııaqty jumystar kiredi. – Endi ózińe qaıta kelsek, qazir jattyǵý jasaıdy ekensiń. Bap­kerińmen neshe saǵat jatty­ǵasyń? – Men eshqashan boksty tastadym dep jattyǵýdan qol úzgen emespin. Kún saıyn 2-2,5 saǵat jattyǵamyn. Bapkerim Kárim Mahmudovpen kóp nárseni aqyl­dasamyn. Sol kisiniń keńesine árdaıym júginip otyramyn. Qazir jattyǵýlardy tehnıkamdy jetil­dirý úshin jasap júrmin. Men sizderge birden sharshy alańǵa shyǵyp, ózimdi qaıta kórsetemin dep aıta almaımyn. О́ıtkeni, oǵan ýaqyt kerek, sosyn oǵan kóp eń­bek­tený kerek. Aqyl toqtat­qannan keıin bárine kásibı turǵydan, jańasha kózqaraspen qaraıdy ekensiń. Kezinde bári de tez ótse eken, tez bolsa eken dep oılaýshy edim. Qazir olaı emes, ár nárseni tarazyǵa salyp jasaısyń. – Áli baǵyndyrmaǵan bir belesiń bar eken. Ol álem chem­pıony bolý ǵoı... – Iá, onyń ras. Álem chempıony ataný árkimniń armany. – Qazir álem chempıondyǵyna laıyq dep kimderdi atap aıtar ediń? – Boksta boljap aıtý qıyn. Bul – sport. Al sportta baby men baǵy kelisken sańlaqtyń ǵana jeńiske jetetini belgili. Sosyn bári boksshynyń daıyndyǵyna, urymtal sátti paıdalana bilýine baılanysty. Kóp jaǵdaıda máseleni adamnyń ataǵy emes, sharshy alań sheshedi. – Bizdiń bapkerlerdiń jumysy­na qandaı baǵa beresiń? – Men eshkimniń jumysyna baǵa bere almaımyn. Árkim óz jumysymen aınalysýy kerek dep oılaımyn. – Yrymshylsyń ba? – Bir Allaǵa ǵana senemin. – Áńgimeńe rahmet. Áńgimelesken Dastan KENJALIN.