Rýhanııat • 18 Qyrkúıek, 2020

Imanbektiń ıirimderi

29 ret kórsetildi

Qudaı taǵala baq beremin dese oqý-toqýyńa da, mamandyq-man­sabyńa da qaramaıdy eken ǵoı. Tynymsyz tirshi­lik­­te darynyńdy damylsyz da­myt­sań, eńbegińdi eki ese­le­seń, ji­geriń men júregińdi sú­ıikti isi­ńe súıkeı salsań bol­ǵany kúl­li jaratylystyń jana­ry saǵan bu­ry­lary sózsiz. Oǵan dálel – temir jol sala­synda qyz­met istep júrgen Imanbektiń án arqyly álem jurt­shy­ly­ǵyna áıgili bolýy.

Imanbek degen laqap atpen tanylǵan talanttyń tolyq aty-jóni – Imanbek Zeıkenov. Ol 2000 jyly Pavlodar oblysynda dúnıege kelgen. Qazaqstanda, Re­seıde, Ýkraınada Imanbek Music leıblimen belgili qazaq pro­dıýseri jáne haýs-mýzyka re­mıkseri. 2019 jyly Saint Jhn-nyń «Roses» ánine óziniń re­mık­sin jasap, halyqaralyq deń­geı­de tanymal boldy.

Qarshadaı balanyń án álemine qadamy 8 jasynda alǵash ret áke­si syılaǵan gıtaradan ba­s­talǵan. Jo­ǵary elektronıka jáne kom­mý­­nıkasııalar kolledjinde oqyp jú­rip, Aqsý temirjol stansasynda qatar jumys istegen.

Imanbek 17 jasynan bastap remıks jasaýdy qolǵa alady. Al­ǵashqyda reseılik Effective Records leıbli arqyly ataqty amerıkalyq reperdiń «Roses» áni­ne remıks jasaǵan. Remıks Saint Jhn qatysýynsyz jasaldy, óıtkeni repermen baılany­sý áreketteri sátsizdikpen aıaq­­ta­lyp, Imanbek jaýap ala al­ma­ǵan. Remıkstelgen án búkil Eý­ro­padaǵy, sonyń ishin­de Belgııa, Ma­jarstan, Nıder­la­nd, Polsha, Úndistan jáne Shvesııadaǵy kóp­te­gen chartta kózge túsken jáne Shazam World-da 3-oryndy ıe­lengen. Remıkstiń sáttiligi men tanymaldylyǵyna súıene oty­ryp, 2016 jyly jazylǵan túp­nusqa án 2019 jyly US Billboard, British Singles Chart jáne Aýstrııa, Kanada, Danııa, Fran­sııa, Germanııa, Irlandııa sııaqty basqa elderdiń charttaryna shyqqan. Ol óziniń alǵashqy ánin Spinnin Records Drama Re­cor­ds-ta shyǵardy.

Jalpy, remıks degenimiz – mý­zy­kalyq shyǵarmanyń bas­tap­qy túpnusqadan ke­ıi­ni­rek jáne qazir­gi zamanǵy teh­nı­ka­lardyń kóme­gimen jazylǵan nusqasy. Keıde ol túpnusqa shy­ǵar­manyń birneshe bóligin «aralastyrý», ony ártúrli dybys­tarmen qabattaý, arnaıy effektter, temp­ti, perneni jáne basqa ele­ment­­terin ózgertý arqyly jasa­la­dy.

«Shyndyǵyn aıtý kerek, meniń mýzykalyq bilimim joq. Biraq ándi jan-júregimmen tyńdap, oǵan remıks jazamyn. Ata-anam árbir jetistigime qýanyp, tilekshi bolyp júredi. Ol kisilerdiń rızashylǵy meni shabyttandyrady. Maǵan ártúrli memleketterden túrli usynystar túsip jatady. Kóbine dostarymmen, jaqyndarymmen aqyldasyp bir sheshim shyǵaramyn. Alǵashqy jazǵan remıksim ózin-ózi tanytty dep aıta alamyn. О́ıtkeni ol túrli tanymal toptardyń bó­li­sýimen keń tarady», deıdi Imanbek.

Aıtqanǵa ańyz, estigenge erte­gi bolyp kóringenimen jas da­ry­nnyń jasap jatqan jańa­shyl bastamalary jahannyń moı­nyn buryp moıyndatqanyn alash perzenti zamannyń tynysyn dóp basqanyn ańǵartsa kerek. Shynaıy da shymyr shy­ǵa­rylymdarynyń ishindegi shoq­ty­ǵy bıigi hám negizgilerine myna­lar­­dy jatqyzýǵa bolady. Olar: «Take Me» (O'Neill-men birge), «Hot» (Parah Dice-pen birge), «Smoke It Up» (Stephanskiy-men birge), «Dope», «Clandestina» (with FILV & Edmofo featuring Emma Peters), «Romantic Dance» (DJ DmimixeR feat. MURANA) jáne taǵy da basqalary.

Imanbektiń kolledjde sa­baq bergen ustazy Janargúl Meı­ram­qy­zy onyń oqýda ozat, qoǵam­dyq ju­mys­ta belsendi bolǵanyn aıtty. О́nerge qushtar órenniń ómir jolynda ózindik qoltańbasyn qaldyrýǵa tabıǵı talanty tolyq jetetinine senim bildirdi.

«Oqý jylynyń basynan bas­tap (2016 jyl) Imanbek óte jigerli jigit bolyp kórindi. Minez-qulqy men sóıleýine qarap maǵan qıyndyq týǵyzady dep oıladym. Biz sabaqtan keıin toppen jıi jınalyp, bir-birimizdi jaqsy bilý úshin synyp saǵattaryn ótkizdik. Men olardyń eń jaqsy top bolǵanyn qaladym. Ýaqyt óte kolledjdiń  eń úzdik toby boldy. Olardyń jadynda stýdenttik ómir eń qyzyqty jáne jarqyn bolsa eken dep oıladym. Menińshe, bizdiń Joǵary elektronıka jáne kommýnıkasııalar kolledji ol úshin bárin jasady. Kún sa­ıyn Imanbek ózgere bas­ta­dy, tipti kerisinshe ózin tapty dep aıtsaq ta bolady. Men onyń mý­zykaǵa degen qushtarlyǵyn kór­dim, úzilis kezinde bizdiń kó­ńi­limizdi kóterip, daýysymyz­dy ózgertip, mýzyka jazyp otyratyn. Bizdiń tobymyz ártúrli konsertterge jaýapty boldy, mýzykany basqarý pýltine  men Imanbekti otyrǵyzdym. Kolledjdiń bar­lyq ak­kýs­­tıkalyq júıesin  qol­danyp, júrgizýshilerdiń qaty­sýyn­syz konsertter qoıdyq jáne dybys jolyna Imanbek jaýap berdi, solaı tórt jyl da ótip ketti», dedi ustazy.

Sonymen qatar ol mýzyka Imanbektiń oqý ozaty bolýyna ke­dergi keltirmegenin jetkizdi.

«Ol matematıka, hımııa, fızıka pánderin dál osy kolledj­de óte jaqsy ıgerdi. Bul úshin bizdiń oqytýshylarymyzǵa, óz isiniń sheberlerine jeke alǵys aıtýǵa bolady. Mine, úsh jyldan keıin Imanbek úshinshi kýrs­ta «Temirjol kóligindegi tasymaldaýdy uıymdastyrý jáne qozǵalysty basqarý» mamandyǵy boıynsha sıgnal berýshi bolyp jumysqa ornalasty. Qazir ol óziniń áýesqoı mýzykasyna kóbirek ýaqyt bóledi. Bıyl kol­led­jdi qyzyl dıplommen bi­tir­di. Ata-anasyna qoldaý kór­set­keni úshin jeke alǵys aıtý kerek. О́ıtkeni olar Imanbekti naǵyz azamat qylyp tárbıelegen. Tórtinshi synyptan bastap gıtarada oınady. Onyń tárbıesinde, ol aıtqandaı, atasy bólek oryn aldy. Ol atasyn óte jaqsy kór­di jáne qurmetteıdi», deıdi J.Meıramqyzy. 

Aıta ketetin taǵy bir jaıt, bizdiń keıipkerimiz ótken jy­ly «Qazaqstannyń 100 jańa esi­mi» memlekettik jobasynyń je­ńim­pa­zy atanyp, 24 062 daýyspen «Mádenıet» atalymynda birinshi oryn­ǵa ıe bolǵan.

 

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar