Aımaqtar • 18 Qyrkúıek, 2020

Almatyda Saıran avtobeketindegi júgizýshiler jumystan ketip jatyr

580 ret kórsetildi

Saıran avtobeketindegi jolaýshy tasymaldaýshylar úlken shyǵynǵa batyp, júrgizýshiler jumystan ketip jatyr, dep habarlaıdy Egemen.kz Almaty.tv telearnasyna silteme jasap.

Saıran avtobeketinde kóleńkeli kásibin dóńgeletip júrgen básekelesteri beket mańynda jabaıy turaq jasap, jolaýshylardyń bárin kassaǵa jetkizbeı áketip jatyr. Saldarynan avtobekettegi zańdy tasymaldaýshylarǵa degen suranys on esege tómendep ketken. Onsyz da, karantın kezinde shyǵynǵa batqan kásip ıeleriniń jan-aıqaıy oryndy.

Vokzalda resmı túrde jumys isteıtin avtobýstardyń basym bóligi qańyrap bos tur. Karantınge deıin kúnine 170-200-deı kólikke suranys bolsa, qazir 20-25 avtobýs áreń tolady eken. Sharasy qalmaǵan júrgizýshiler jappaı jumystan ketip jatyr.

Karantındik shekteýler jeńildep, vokzal qaıta ashylǵanmen jumysy jandanbaı otyr. Avtobeket qyzmetkerleriniń aıtýynsha zańsyz tasymaldaýshylar eldegi tótenshe jaǵdaıdy da elemeı, esh úzilissiz jumys istep kelgen. Tıisinshe, olardyń sany da arta túsipti. Endi beket júrgizýshileri resmı kassadan túsýi tıis qomaqty qarjydan qaǵylyp otyr.

"Tasymaldaýshylardyń málimeti boıynsha júrgizýshiler jumystan shyǵyp jatyr. О́ıtkeni jumys joq. Árıne, ol 40 adam tasyǵan bir bólek, 4 adam aparǵan bir bólek. Oǵan GSM deımiz, solıarkige, benzınge qanshama aqsha ketedi. Ol qarajattyń barlyǵyn qaıdan tabady jolaýshy bolmasa?", dedi "Saıran" avtovokzaly tasymaldaý bóliminiń basshysy Erlan Ábildaev.

Kóleńkeli kásibin dóńgeletip júrgender avtovokzal mańynan qýdalanatyndyqtan bekettiń aınalasyndaǵy astyrtyn turaqtarǵa ornalasyp alǵan.

Mamandardyń aıtýynsha zańsyz qyzmet etetinder jolaýshylardyń ómirine úlken qaýip tóndiredi. Máselen, mundaı tasymaldaýshylarda talap etiletin lısenzııalar men júrgizýshilerge qarastyrylǵan medısınalyq baqylaý sııaqty qujattar atymen joq. Onymen qosa, avtobýstar karantın talaptaryna saı bolmaýy da múmkin.

"Jolaýshy basqa qalaǵa baramyn dep Saıranǵa kele jatyp, turaqty reıspen júretin avtobýsqa emes, zańsyz júretin avtobýsqa otyrady. Onda qanshalyqty sanıtarlyq normalarǵa sáıkes ekendigin, onyń tehnıkalyq jaǵdaıy qanshalyqty durys ekendigin bilmeı óz basyn, óz qaýipsizdigin qaterge tóndiredi", dedi Qalalyq kóliktik baqylaý ınspeksııasy baqylaý bóliminiń jetekshi mamany Erlan Júsipov.

Kóliktik baqylaý ınspeksııasy vokzal mańynda reıd júrgizgenimen, kóleńkeli kásipke tosqaýyl qoıý múmkin bolmaı otyr. Karantın bastalǵaly 31 júrgizýshige hattama toltyrylǵan. Biraq, bul sharalar eshkimdi toqtatqan joq. Endi, mamandar avtovokzal mańynda Sergek kameralaryn ornatýdy usynyp otyr.

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar