Qoǵam • 18 Qyrkúıek, 2020

Tengri Bank lısenzııasynan aıyryldy

48 ret kórsetildi

Qarjy naryǵyn retteý jáne damytý agenttigi Basqarmasynyń 2020 jylǵy 17 qyrkúıektegi № 80 qaýlysyna sáıkes "Tengri Bank" AQ-ty oǵan Qazaqstan Respýblıkasynyń Ulttyq Banki banktik jáne ózge de operasııalardy júrgizýge bergen lısenzııadan aıyrý týraly sheshim qabyldandy, dep habarlaıdy Egemen.kz.

"Qazaqstan Respýblıkasyndaǵy bankter jáne bank qyzmeti týraly" Qazaqstan Respýblıkasy Zańynyń 48-baby 1-tarmaǵynyń 7), 15) tarmaqshalaryna sáıkes mynalar lısenzııadan aıyrýǵa negiz boldy:

– prýdensııalyq normatıvterdi jáne (nemese) saqtalýǵa mindetti basqa da normalar men lımıtterdi júıeli túrde (qatarynan kúntizbelik on eki aı ishinde úsh jáne odan kóp ret) buzý;

– qadaǵalap den qoıý sharalaryn júıeli túrde (qatarynan kúntizbelik on eki aı ishinde úsh jáne odan kóp ret) oryndamaý;

– ýákiletti organnyń qosymsha kapıtaldandyrý jónindegi talaptaryn banktiń bank holdınginiń oryndamaýy.

Bank sektorynyń jıyntyq aktıvteri men mindettemelerinde Tengri Bank aktıvteri men mindettemeleri úlesiniń az bolýyna (0,3%) baılanysty bankti lısenzııasynan aıyrý tutastaı alǵanda bank júıesine táýekelder týyndatpaıdy. Banktiń qarjylyq jaǵdaıynyń nasharlaýy nesıe portfeli sapasynyń tómen bolýymen baılanysty. Problemalyq kredıtterdiń negizgi bóligi 2015 – 2017 jyldardaǵy kezeńde Banktiń qazaqstandyq aksıonerlerimen baılanysty tulǵalarǵa berilgen, olardyń úlesine banktiń nesıe portfeliniń 58%-y tıesili. Nesıe portfeliniń 83%-n quraıtyn qaıtarymsyz qaryzdar úlesiniń joǵary bolýy qarjy ınstıtýtynyń aktıvteri sapasynyń nasharlaýyna ákep soqty.

2020 jyldyń basynan beri bankte klıentter qarajatyn jappaı áketti, ol banktiń úzdiksiz jumys isteýi úshin ótimdiliktiń jetkilikti deńgeıin qamtamasyz etýdiń múmkin bolmaýyna ákep soqty. 2020 jylǵy naýryzdan beri Tengri Bank tólemder men aqsha aýdarymdary boıynsha sharttyq mindettemelerin tolyq kólemde oryndaǵan joq. Qarjylyq jaǵdaıynyń nasharlaýy jaǵdaıynda Agenttik bankke jáne onyń iri aksıonerine qatysty 11 qadaǵalap den qoıý sharasyn qabyldady jáne ákimshilik quqyq buzýshylyq týraly 36 hattama jasady.

Bankter týraly zańnyń 42-baby 5-tarmaǵynyń talaptaryna sáıkes banktiń iri qatysýshylary banktiń menshikti kapıtalynyń jetkiliktiligi koeffısıentterin talap etiletin deńgeıde qoldaý jóninde sharalar qabyldaýǵa mindetti. 2020 jylǵy naýryzda Agenttik Banktiń iri aksıonerine qatysty 2020 jylǵy 30 sáýirge deıingi merzimde 23 mlrd teńge somaǵa ústeme kapıtaldandyrý jónindegi talap túrinde májbúrleý sharasyn qabyldady, ol oryndalǵan joq. 2020 jylǵy sáýir-maýsymda Punjab National Bank 16,9 mlrd teńge somaǵa qorlandyrýdy qamtamasyz etti, ol banktiń klıentteri aldyndaǵy mindettemelerin azaıtýǵa paıdalanyldy. Retteýshi tarapynan kúsheıtilgen qadaǵalaý rejıminiń sheńberinde problemalyq qaryzdardy qaıta qarjylandyrý jáne óndirip alý jónindegi sharalar qabyldandy, sonyń nátıjesinde banktiń mindettemeleri 26,4 mlrd teńgege
tómendedi.

Korporatıvtik basqarýdyń tıimdi júıesiniń bolmaýy jáne banktiń majorıtarlyq jáne mınorıtarlyq aksıonerleri arasyndaǵy ishki korporatıvtik daýlardyń saqtalýy da banktiń qarjylyq jaǵdaıynyń nasharlaýyn qıyndata tústi. Qoldanystaǵy zańnama talaptaryna sáıkes banktiń qarjylyq jaǵdaıynyń nasharlaýyna ákep soqqan Bank aksıonerleri men menedjmentiniń áreketine quqyqtyq baǵany tıisti organdar beretin bolady. Aksıoner tarapynan bankti ústeme kapıtaldandyrý nıetiniń bolmaýyna baılanysty Agenttik bankti lısenzııasynan aıyrý týraly sheshim qabyldady. Tengri Bank jeke tulǵalardyń depozıtterine mindetti kepildik berý júıesiniń qatysýshysy bolyp tabylady, osyǵan baılanysty «Qazaqstannyń depozıtterge kepildik berý qory» AQ (budan ári – QDKQ) depozıtorlarǵa kepildikti ótemaqy tóleıtin bolady. Bank salymshylarynyń, jeke tulǵalarynyń 99%-ynyń depozıtteri tolyq kólemde QDKQ-nyń kepildigimen óteledi.
Banktiń klıentteri jeke tulǵalar, onyń ishinde dara kásipkerler. О́temaqy ulttyq valıýtada tólenetin bolady jáne onyń somasy:

- teńgedegi jınaq salymdary (depozıtter) boıynsha 15 mln teńgeden;
- ulttyq valıýtadaǵy ózge depozıtter boıynsha 10 mln teńgeden;
- shetel valıýtasyndaǵy depozıtter boıynsha 5 mln teńgeden aspaýǵa tıis.
Klıentterge ótemaqy salymshylardyń agent-bankte jáne basqa bankterde ashylǵan bank shottaryna esepteý jolymen, sondaı-aq agent-banktegi qolma-qol aqshany alý arqyly 2020 jylǵy qazannyń birinshi jartysynda bastalady. Agenttik Tóraǵasynyń 2020 jylǵy 17 qyrkúıektegi № 360 buıryǵymen ýaqytsha ákimshilik taǵaıyndaldy, oǵan banktiń barlyq basqarý organdarynyń ókilettikteri ótti. Ýaqytsha ákimshilik banktiń taratý komıssııasy taǵaıyndalǵanǵa deıin jumys isteıtin bolady. Ýaqytsha ákimshiliktiń jetekshisi bolyp Agenttiktiń qyzmetkeri Ogaı Oksana Dmıtrıevna taǵaıyndaldy. 2020 jylǵy 18 qyrkúıekten bastap QR zańnamasynda kózdelgen jaǵdaılardy qospaǵanda, klıentterdiń jáne banktiń óziniń banktik shottary boıynsha barlyq operasııalar toqtatyldy. Agenttik zańnamada belgilengen tártippen banktiń qyzmetin májbúrlep toqtatý (taratý) týraly sotqa júginedi. Sot bankti májbúrlep taratý týraly is qozǵaǵan kúnnen bastap, bankti kútip-ustaýǵa arnalǵan aǵymdaǵy shyǵystarǵa baılanysty talaptardy jáne Qazaqstan Respýblıkasynyń zańnamasynda belgilengen ózge jaǵdaılardy qospaǵanda, kredıtorlardyń bankke talaptary taratý isinde ǵana usynylýy múmkin.

Sońǵy jańalyqtar

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar