Densaýlyq saqtaý qyzmetkerleriniń aıtýynsha, koronavırýstyq ınfeksııa men pnevmonııamen aýyratyn naýqastarǵa jedel kómek kórsetý úshin atalǵan jabdyqtar aıtarlyqtaı suranysqa ıe.
"Samuryq-Qazyna" AQ men Densaýlyq saqtaý mınıstrligi arasyndaǵy yntymaqtastyq týraly Memorandým aıasynda jalpy sany 2 050 jabdyq pen 100 jedel járdem mashınasy satyp alyndy. Munyń barlyǵy Densaýlyq saqtaý mınıstrliginen alynǵan aqparatqa jáne jergilikti atqarýshy organdardyń suranystaryna sáıkes óńirler arasynda bólingen.
"Koronavırýstyq ınfeksııanyń jańa tolqynyna yqpal etý jáne bizdiń dárigerlerdiń jumysyn jeńildetý úshin elimizdiń medısınalyq mekemeleri qajetti jabdyqtarmen qamtamasyz etildi. Endi dárigerlerde aýrýdyń jańa órshýiniń aldyn alý úshin qosymsha resýrstar bar", - dedi "Samruk-Kazyna Trust" Qorynyń resmı ókili Mıras Irgebaev.
О́z kezeginde Batys Qazaqstan oblystyq kópsalaly aýrýhanasynyń dırektory Arman Baıdeýov "Samuryq-Qazyna" AQ men "Samruk-Kazyna Trust" Qorynyń der kezinde kómek kórsetkenin atap ótti.
"Jańa jabdyqtar koronavırýspen kúreste oblystyq kóp salaly aýrýhana úshin jaqsy qoldaý boldy. Tótenshe jaǵdaı jáne karantın kezeńinde aýrýhananyń juqpaly aýrýlar bóliminde 1600-1700 adam emdelip shyqty. Ortaq kúsh-jigerimizben biz sarapshylar aıtyp otyrǵan aýrýdyń ekinshi tolqynyna muqııat daıyndala alamyz dep úmittenemiz. Sonymen qatar bul qurylǵylar aýrýlardy emdeýde qosymsha jabdyqty qajet etetin basqa aýrýlary bar pasıentterge kómektesedi", dedi ol.
Aıta keteıik, bıyl naýryz aıynda Eńbek jáne halyqty áleýmettik qorǵaý mınıstrligi, Densaýlyq saqtaý mınıstrligi, sondaı-aq Ishki ister mınıstrligi Qor bólgen 450 mln teńge qarajat esebinen qorǵanys maskalaryn satyp aldy.
Sonymen qatar Qor AutoMag-96 quralyn satyp alýǵa kómektesti, osylaısha Nur-Sultan qalasynyń emhanalaryna qyzmet kórsetetin ulttyq ǵylymı medısınalyq ortalyq klınıkasynyń PTR zerthanasynyń ónimdiligin arttyrdy.
Qor men Densaýlyq saqtaý mınıstrliginiń ózara qarym-qatynasy aıasynda kompanııa qarajaty esebinen 100 jedel járdem mashınasy, 1000 ottegi konsentratory, 50 ókpeni jasandy jeldetý apparaty, 1000 pýlsoksımetr jáne vırýsqa qarsy 3000 "Avıfavır" preparaty satyp alyndy.
