Qoǵam • 18 Qyrkúıek, 2020

JRVI men tumaý órshigende ımmýnıtetti qalaı nyǵaıtýǵa bolady?

58 ret kórsetildi

Nur-Sultan qalalyq №1 emhananyń ýchaskelik terapevt dárigeri Sholpan Orazaly ımmýnıtetti nyǵaıtý úshin qandaı dárýmender qajet ekenin aıtyp berdi, dep habarlaıdy Egemen.kz elorda ákimdiginiń resmı saıtyna silteme jasap.

Barlyǵymyz biletindeı, aýa raıynyń salqyndaýyna baılanysty kúz jáne qys mezgilderinde JRVI jáne basqa ınfeksııalyq aýrýlardy juqtyrý qaýpi joǵary. Ásirese dál qazirgideı búkil álemdik pandemııalyq jaǵdaıda densaýlyqty kútip, ımmýnıtetti kóterý mańyzdy. Mundaı jaǵdaıda taza aýada tynystap, jattyǵýlar jasap, jaman ádetterden arylý arqyly aǵzamyzǵa kómektese alamyz. Salaýatty ómir saltyn saqtap, kúndelikti tolyqqandy 7-8 saǵattyq uıqy jáne emosıonaldy tynyshtyqty qamtamasyz etý de mańyzdy. Sonymen qatar mıkroelementter men vıtamınderge baı taǵamdardy tutyný arqyly qysqa ýaqyt ishinde aǵzanyń rezervtik kúshin joǵarylatyp, ár túrli ınfeksııalarǵa qarsy turý qabiletin kúsheıtýge bolady.

Dárigerdiń aıtýynsha, ımmýnıtetti nyǵaıtý úshin A, V, S, D, E dárýmenderi qajet. Keıbir dárýmenderdi aǵzanyń ózi túzýge qabiletti, mysaly D dárýmeni kún sáýlesiniń áserinen bizdiń terimizde túziledi.

"Biz turatyn Nur-Sultan qalasynda jyl boıyna aýa raıynyń salqyndyǵyna baılanysty, kún sáýlesiniń túsýi óte az. Sol sebepti elorda halqynda D dárýmeniniń jetkiliksiz bolýy zańdy nárse. Tipti, bizge keletin 5 naýqastyń 2-eýinde D dárýmeni jetkiliksizdigi kezdesedi desek bolady", deıdi Sholpan Orazaly.

Degenmen, áýeli organızmge qandaı dárýmender qajet ekendigin anyqtap alý kerek. Dáriger ol úshin emhanaǵa baryp, arnaıy analızderdi tapsyrǵan durys ekenin atap ótti.

"Iаǵnı dárigerdiń keńesine júginý arqyly qandaı dárýmendi jáne qansha mólsherde ishý kerektigin biletin bolasyz. Eger de ózdiginen alamyn deseńiz, onda ózińizdiń jas ereksheligińizdi, tamaqtaný rasıonyńyzdy eskerý qajet. Mysaly, qazir dıetada bolsańyz, onda qandaı dárýmenderge muqtaj ekendigińizdi eskergen jón. Sonymen qatar dárýmenderdi tańdaýda senimdi, halyqaralyq dárejede tekserilgen, medısınalyq saraptamalar men zertteýlerden ótken farmasevtıkalyq kompanııalar óndiretin dárýmenderdi tutynǵan durys", dep túsindirdi Sholpan Orazaly.

Sondaı-aq dárigerdiń aıtýynsha, durys tamaqtaný da ımmýnıtetti nyǵaıtýda kóp paıdasyn tıgizedi. Kókónister, jemister, et, sút, jańǵaqtar, botqa - qajetti mıkroelementterge baı azyq-túlikter.

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar