Elorda • 18 Qyrkúıek, 2020

"Kóshe saýdasy - 1000 oryn" baǵdarlamasy boıynsha elordada 1700 jumys orny quryldy

16 ret kórsetildi

"Kóshe saýdasy - 1000 oryn" baǵdarlamasy boıynsha saýda pavılondaryna 644 jer ýchaskesi bólindi. Olardyń kóbinde kásipkerler jemis-kókónis saýdasyn uıymdastyrdy, dep habarlaıdy Egemen.kz elorda ákiminiń baspasóz qyzmetine silteme jasap.

"Qazirgi tańda Nur-Sultan qalasy boıynsha saýda jáne qyzmet kórsetý nysandaryn ornalastyrý úshin 644 jer ýchaskesi bólindi. Ýchaskelerdiń jalpy aýdany 7 990 sharshy metrdi quraıdy. Baǵdarlamada kókónister men jemisterdi satý nysandary kóbirek kezdesedi. Olar úshin 244 jer ýchaskeleri bólingen, sodan keıin tamaqtaný oryndary - 211, tamaq ónimderi - 71. Jobany júzege asyrý elordada 1700-den astam jumys ornyn qurýǵa, 1,1 mlrd teńge jeke ınvestısııalar tartýǵa múmkindik berdi", - dedi "SPK Astana development" JShS dırektory Ardaq Dosanov.

Aıta keteıik, jobaǵa qatysatyn bıznes ókilderine saýda úshin qosalqy jer ýchaskesin jalǵa berý qarastyrylǵan. Baǵdarlama talaptaryna sáıkes kókónister men jemisterdi, tamaq ónimderin, gúlder men baspa ónimderin satý úshin paıdalanýǵa ruqsat etiledi. Sonymen qatar arnaıy bólingen jerde tehnıkalyq qyzmet, turmystyq jáne zańgerlik qyzmetter kórsetilýi múmkin. Jalǵa alý baǵasy ýchaskeniń aýdanyna baılanysty.

"Eger saýda alańy 20 sharshy metr bolsa, kásipker 1 sharshy metr úshin jylyna 20 myń teńge tóleıdi. 20-dan 30 sharshy metrge deıingi ýchaske úshin tarıf 16 myń teńgege deıin tómendetildi. Eger pavılonnyń aýdany 30 sharshy metrden assa, jalǵa alý quny jylyna 1 sharshy metr úshin 14 myńǵa deıin tómendeıdi", - dep túsindirdi Ardaq Dosanov.

Kásip ashýdy endi ǵana josparlap júrgender jer ýchaskesin konkýrs nemese konkýrstar men aýksıondar arqyly ala alady. "1000 oryn - kóshe saýdasy" baǵdarlamasyna qatysýshylar jerdiń tehnıkalyq sıpattamalaryn ózgerte alady. Sondaı-aq baǵdarlamaǵa qosý úshin bos jatqan jerdi tańdaýǵa bolady. Ol úshin "Astana" áleýmettik-kásipkerlik korporasııasyna ótinish, ótinimmen birge fotosýretti jáne suralǵan aýmaqtyń syzbasyn qosa berý kerek.

Aýksıon ótkizý týraly habarlandyrý "Astana" áleýmettik-kásipkerlik korporasııasy" AQ resmı saıtynda, Nur-Sultan ákimdiginiń jáne "Atameken" elordalyq kásipkerler palatasynyń saıtynda ornalastyrylǵan. О́tinishter berý jáne aýksıonǵa qatysý www.gosreestr.kz portalynda júzege asyrylady. Esterińizge sala keteıik, "1000 oryn - kóshe saýdasy" baǵdarlamasynyń operatory "Astana" áleýmettik-kásipkerlik korporasııasy" AQ-nyń enshiles kásiporny - "SPK Astana development" JShS.

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar