Qoǵam • 18 Qyrkúıek, 2020

Shańyraq "5-10-20" baǵdarlamasy boıynsha nesıe berý bastaldy

626 ret kórsetildi

Turǵyn úı qurylys jınaq banki Shańyraq "5-10-20" baǵdarlamasy boıynsha nesıe bere bastady, dep habarlaıdy Egemen.kz 

Memleket basshysynyń tapsyrmasyna sáıkes, baspanaly bolýdy armandaǵan qazaqstandyq azamattarǵa jeńildetilgen sharttarmen nesıe berý maqsatynda ázirlengen.

"Bıyl "Shańyraq" qanatqaqty jobasyn júzege asyrý úshin bıýdjetten 210 mlrd teńge kóleminde qarajat bólý josparlanǵan. Onyń 90 mlrd teńge kólemindegi alǵashqy bóligi Turǵyn úı qurylys jınaq bankine tústi. Osy bıýdjetke sáıkes, biz elimizdiń shamamen 7-8 myńdaı otbasyn baspanamen qamtamasyz etýdi josparlar otyrmyz. Jyldyq mólsherlemesi 5 paıyzǵa teń (JTSM 5,2%), jeńildetilgen zaemdy alý úshin, baǵdarlama qatysýshylary ákimdik kezeginde turýlary qajet. Sondaı-aq Turǵyn úı qurylys jınaq bankindegi shottaryna zaım mólsheriniń 10 paıyzynan kem túspeıtin somany bastapqy jarna retinde jınaýlary qajet. Nesıelendirý merzimi 20 jylǵa deıin", dep atap ótti Turǵyn úı qurylys jınaq bankiniń Basqarma Tóraıymy Lázzat Ibragımova.

Alǵashqylardyń biri bolyp nesıe alǵan Nur-Sultan turǵyndary boldy. Olardyń arasynda salymshy Aıtenova Lazzat bar, ol turǵyn úıge muqtaj dep jergilikti atqarýshy organdarda tirkelgen jáne kezegin 10 jyl kútken. Memlekettik qyzmetshi 18,49 mıllıon teńgeniń 2 bólmeli páterin satyp aldy. Oǵan jyldyq 5% mólsherlememen nesıe berildi. 20 jylǵa deıingi merzimge nesıe somasynan keminde 10% quraıtyn bastapqy tólemmen.

Ekinshi baqytty nesıe alýshy – Akınova Gúlden. Qyryq alty jastaǵy áıel elordadaǵy kópsalaly medısınalyq ortalyqta medbıke bolyp jumys isteıdi. Turǵyn úı kezegi – 11 jyl. Endi onyń otbasy da jaldamaly páterden óz úıine aýysa alady. 17 qyrkúıektegi málimetter boıynsha búkil Qazaqstan boıynsha bank 21 039 ótinish qabyldady, onyń 8 152-si kezekke tirkeý jylyna sáıkes keledi. Qazirgi ýaqytta jalpy somasy 6 mıllıard teńgeden astam 472 nesıelik ótinim maquldandy.

"Shańyraq" jobasynyń aıasynda jeńildetilgen nesıeni birinshi kezeńde, baspanaǵa muqtaj jan retinde 1986 jyldan bastap 2015 jylǵa deıingi merzimdi qosa alǵanda ákimdik kezegine turǵan Qazaqstan Respýblıkasynyń azamattary ala alady. О́tinishterdi qabyldaý merzimi aıaqtalǵannan keıin, banktiń "Shańyraq" jobasyn odan ári nesıelendirýge qajetti qarajaty bolǵan jaǵdaıda, baǵdarlamanyń ekinshi kezeńine ákimshilik kezegine keıingi jyldary turǵan azamattar da shaqyrylýy múmkin. Sondaı-aq baǵdarlamaǵa qatysý úshin sońǵy alty aı ishindegi otbasynyń ár múshesine keletin otbasylyq tabystyń bir aılyq kólemi 3,1 kúnkóris mınımýmynan aspaıtyn (2020 jyldyń 1 sáýirinen bastap KM – 32 668 teńgege teń) eńbek jáne (nemese) kásipkerlik qyzmetten túsetin kiristiń (zeınetaqy aýdarymdaryn, jeke tabys salyǵy men basqa da mindetti aýdarymdardy eseptemegende) bolýy talap etiledi. Iаǵnı 2020 jyly otbasynyń ár múshesine keletin tabys kólemi 101 271 teńgeden aspaýy tıis.

Atalǵan baǵdarlama boıynsha turǵyn úıdi tek jańa soǵylǵan úılerden ǵana alýǵa bolady. Bul "5-10-20" baǵdarlamasy boıynsha jergilikti ákimdikter soǵyp jatqan nesıelik turǵyn úıler men jeke qurylys kompanııalary soqqan úıler (sondaı-aq, "Turǵyn úı qurylysyna kepildik berý qory" AQ kepildigi bar).

"Shańyraq" baǵdarlamasy boıynsha páter alýǵa bolatyn qurylys kompanııalarynyń tizimin hcsbk.kz saıtynan júktep alýǵa bolady.

Ákimdikter salǵan nesıelik turǵyn úılerdiń 1 sharshy metri boıynsha kelesi baǵa mólsherleri belgilengen: 240 myń teńgege deıin – Almaty qalasynda, 220 myń teńgege deıin – Nur-Sultan qalasynda, 200 myń teńgege deıin – Shymkent qalasy men Almaty mańyndaǵy aımaqtarda, 180 myń teńgege deıin – Aqtóbe, Atyraý, Aqtaý, Túrkistan, Qaraǵandy qalalary men Qaraǵandy oblysynda, basqa óńirlerde – 160 myń teńgege deıin.

Páterler jeke qurylys kompanııalary soqqan úılerden satyp alynǵan jaǵdaıda eń joǵary zaem somasy: Nur-Sultan men Almaty qalalarynda 18 mln teńge, Atyraý, Aqtaý, Aqtóbe, Shymkent, Túrkistan, Qaraǵandy qalalary men Qaraǵandy oblysynda 15 mln teńgege deıin, al qalǵan óńirlerde 12 mln teńgege deıingi baǵa usynylǵan.

Ákimdikterde kezekte turǵan azamattardan baǵdarlamaǵa qatysýǵa jáne tólem qabilettiligin baǵalaýǵa ótinimderin tek hcsbk.kz saıty arqyly, sonyń ishinde Turǵyn úı qurylys jınaq bankiniń klıentterinen de, áli kúnge deıin Bank klıenti bolmaǵandardan da qabyldanady.

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar