Qoǵam • 18 Qyrkúıek, 2020

Baýyrjan Baıbek partııaishilik praımerız qatysýshylarynyń úgit-nasıhat kezdesýine bardy

45 ret kórsetildi

"Nur Otan" partııasy Tóraǵasynyń birinshi orynbasary Baýyrjan Baıbek 1-3 qazan aralyǵynda ótetin partııaishilik saılaýda daýys berý úshin arnaıy mobıldi qosymshany júktep, "Praımerız" aqparattyq júıesine tirkeldi. Bul týraly ol óziniń Facebook paraqshasynda jazdy, dep habarlaıdy Egemen.kz.

B.Baıbek áriptesterimen birge partııaishilik praımerız qatysýshylarynyń úgit-nasıhat kezdesýine bardy. Elordanyń Esil aýdany boıynsha 15 kandıdat "Nur Otan" partııasynyń Ortalyq apparaty janyndaǵy bastaýysh uıymda óz saılaýaldy baǵdarlamalarymen tanystyrdy. 

"Qatysýshylardyń árbirin qoldaýǵa tyrystym, keńesimdi berip, máseleni naqtylaı túsetin suraqtar qoıdym. Úmitkerlerdiń ózderin ustaýyn, jurt aldynda sóz sóıleýin tamashalaý óte qyzyqty boldy. Olardyń barlyǵynda derlik qyzyqty da kreatıvti beınerolıkteri, ózindik "artyqshylyqtary" bar. Tipti keıiberýleriniń úgit baǵdarlamalarymen QR-kod arqyly tanysýǵa bolady. Qatysýshylar arasynda qazir qyzmet atqaryp júrgen depýtattar da, saıası qadamyn jańa bastap jatqan jastar da bar. Sondaı-aq partııa qurylǵan sátten bastap múshe bolyp kele jatqandar da, taıaýda ǵana qatarymyzǵa qosylǵandar da kezdesti", - dedi Baýyrjan Baıbek.

Partııa Tóraǵasynyń birinshi orynbasary sondaı-aq osydan birneshe jyl buryn AQSh-qa qonys aýdaryp, keıinnen elge qaıta oralǵan azamattyń balalar men jasóspirimder arasynda esirtkiniń taralýyna qarsy kúresi boıynsha keltirgen derekteri men usynǵan is-sharalary jurtshylyqtyń nazaryn aýdarǵanyn aıtty.

shl

О́z baǵdarlamasynda elordany zamanaýı ýrbanıstıka qaǵıdattaryna sáıkes damytý máselelerin ózek etken eń jas kandıdatqa Baýyrjan Baıbek "Bolashaq" qaýymdastyǵy qazaq tiline aýdarǵan "Baqytty qala" degen jaıly qalalyq orta qurý týraly kitapty syılaıtyn boldy.

Onyń aıtýynsha, jalpy, qatysýshylar qyzyqty da júıeli sheshimderdi talap etetin kúrdeli máselelerdi kótere bildi. Olardyń qatarynda bilim jáne densaýlyq saqtaý, halyqtyń áleýmettik toptaryn qoldaý, buqaralyq balalar sportyn damytý jáne basqalary bar. Partııa Lıderi N.Á. Nazarbaevtyń tapsyrmasy boıynsha, praımerızde aıtylǵan barlyq usynystar men eskertýler árbir óńir, qala jáne aýdan boıynsha ázirlengen 216 saılaýaldy baǵdarlamany pysyqtaý kezinde eskeriletin bolady.

sh

"Árıne, kandıdattar ár qıly. Árqaısysynyń daıyndyq deńgeıleri men jeke bekgraýndtary da ár túrli. Olardyń qaısysy jeńis tuǵyrynan kórinetinin saılaýshy sheshedi. Munda bir jaıtty anyq aıta alamyn: osynaý praımerızden birinshi bolyp ótkender teńdessiz saıası tájirıbe jınaqtap, ár túrli aýdıtorııalarda sóz sóıleý daǵdysyn meńgeredi, ózderiniń myqty jáne osal tustaryn ańǵaryp, tyńdaýshylardy óz sózine ılandyryp, óz pozısııasyn dáleldeý qabiletin ushtaıtyn bolady. Osy oraıda kezdesýge qatysýshylardyń biri aıtqan myna bir sóz erekshe esimde qaldy. Ol "men praımerızge depýtattyq tósbelgi úshin emes, jurttyń naqty máselelerin sheshýde partııalastarymdy qoldaý úshin qatysyp otyrmyn" dedi. Elbasy aıtqandaı, ádil de tartysty básekede eń laıyqtylar jeńiske jetetine senimdimin", - dedi ol.

d

Aıta keteıik, búginge deıin "Praımerız" aqparattyq júıesine 560 myńnan astam partııa múshesi tirkelip úlgerdi.

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar