Aımaqtar • 18 Qyrkúıek, 2020

Pavlodar oblysynda jyl basynan beri 23 bala úıinen qashyp ketken

23 ret kórsetildi

Bul týraly oblystyq polısııa departamentiniń baspasóz qyzmeti málim etti, dep habarlaıdy Egemen.kz.

"Qolaısyz otbasylardaǵy qıyn jasóspirimdermen birge, aýqatty otbasylardyń balalary da qashady. Tájirıbe kórsetkendeı, olar kóbinese qyzdyń ata-anasymen bolǵan janjaldyń saldarynan úıden qashyp ketedi. Jýyrda Ekibastuz qalasynyń polısııasyna 12 jasar qyzdyń anasy júgindi. 16 qyrkúıek kúni saǵat 03:00-den 12:00-ge deıin kámeletke tolmaǵan qyzy úıden ketip, qaıda ekendigi áli belgisiz dep habarlady. Ekibastuz qalasynyń barlyq keshendi polısııa kúshteri dereý tartylyp, aımaqtyq departamenttiń jeke quramy izdestirýge jumyldyryldy. Izdeý jumystaryna "Legıon 14" jáne "Vıta" erikti volonterlik uıymdary, sondaı-aq jurtshylyq qatysty", dedi baspasóz qyzmetinde.

Departamenttiń habaralýynsha, qabyldanǵan jedel sharalardyń nátıjesinde dál sol kúni kámeletke tolmaǵan bala ájesiniń janynan tabylyp, qorqyp ketken ata-anasyna qaıtaryldy. Belgili bolǵandaı, kámeletke tolmaǵan bala shashty boıaýǵa tyıym salǵan anasymen janjaldan keıin ádeıi úıden ketip qalǵan.

"Ata-analar mundaı saldardan aýlaq bolý úshin baryn salýy kerek. Ol úshin tek balalarmen sóılesý kerek. Birinshi ruqsatsyz úıden ketý balanyń psıhologııasyna áser etedi jáne onyń otbasymen baılanysyn buzady. Balanyń minez-qulqy - bul otbasyndaǵy jaǵdaıdyń beınesi. Tek ózińizdiń aıtqanyńyzdy istetýge tyryspańyz, balalardy túsiný jáne olardyń qalaýyn tyńdap qabyldaý qajet. Eger bala úıden ketip qalsa nemese úıden qashamyn dep qorqytsa, bul sıgnaldardy eskermeı qalmaý kerek", dedi departamentte.
Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar