Bul kómek «Samuryq-Qazyna» AQ men Densaýlyq saqtaý mınıstrligi arasyndaǵy yntymaqtastyq týraly memorandým aıasynda jetkizilip otyr. "Samuryq-Qazyna" AQ kompanııalar toby qaıyrymdylyǵynyń biryńǵaı operatory – "Samruk-Kazyna Trust" Áleýmettik jobalardy damytý qory qajetti jabdyqtardy satyp alyp, olardy óńirlerge jiberdi.
Osylaısha oblysqa 20 ottegi konsentratory, 50 pýlsoksımetr jáne bir ókpeni jasandy jeldetý apparaty (О́JJ) jetkizildi. Sondaı-aq, Shevrolet Damas markaly 4 jedel járdem kóligi keldi.
"Qarmaqshy aýdandyq aýrýhanasyna jetkizilgen medısınalyq kólik halyq ıgiligi úshin jumys isteıtin bolady. Osynyń arqasynda jedel járdem bólimine kelip túsken shuǵyl shaqyrýlarǵa ýaqytyly qyzmet kórsetý múmkindigi artady. Dárigerlerdiń jumysyna kómek kórsetý - halyqtyń densaýlyǵyn jaqsartýda úlken qoldaý dep esepteımin", dedi atap ótti Qarmaqshy aýdandyq aýrýhanasynyń bas dárigeri Baqytjan Nysanbaev.
Memorandým aıasynda elimizdegi densaýlyq saqtaý júıesine 100 jedel járdem kóligi, 1 000 ottegi konsentratory, 50 О́JJ apparaty, 1 000 pýlsoksımetr jetkiziletin bolady
"Bul sharalardyń barlyǵy bizdiń medısınamyzdyń juqpaly aýrýlarmen, sonyń ishinde COVID-19 koronavırýstyq ınfeksııamen kúresýge daıyndyq deńgeıin arttyrýǵa jáne ulttyq densaýlyq saqtaý júıesin nyǵaıtýǵa baǵyttalǵan", deıdi "Samruk-Kazyna Trust" Qorynyń resmı ókili Mıras Irgebaev.
.
