"Prezıdenttik jastar kadrlyq rezervinde kóptegen talantty jastar baryn kórip júrmiz. Búginde bilim salasynda prezıdenttik jastar rezervine múshe 7 maman jumys istep jatyr. Olardyń jumystary óz nátıjesin berýde. Talantty jastardyń bilim salasyn jetildirýge óz úlesterin qosyp jatqanyna qýanyshtymyz. Bizge kelgen kadrlyq rezerv músheleri bilim salasyna oń ózgerister engizýde, ıaǵnı qazirgi ýaqytta bilim salasyna qatysty birneshe normatıvtik aktilerge ózgerister men tolyqtyrýlar engizildi",- dedi mınıstr.
Budan soń, ol bilim salasyndaǵy ózgeristerdi sóz etti.
“Memleket basshysynyń tapsyrmasyna sáıkes, tárbıe-bilim salasyna qatysty birinshi másele elimizdi tolyqtaı balabaqshamen qamtamasyz etý. Onyń ishinde balabaqshany kóptep ashý ǵana emes, sapaǵa mán berý kerek. Sol sııaqty balanyń qandaı balabaqshaǵa baratynyn ata-ananyń erkine berý qajet. Bul baǵyttaǵy jumys júıeli túrde qolǵa alynýda. Ekinshi kezekte orta bilim. Ásirese qazirgi ýaqytta mańyzdy bolyp turǵan qashyqtan oqý máselesi. Osy oraıda Prezıdent qashyqtan oqýdy birizdendirýdi tapsyrdy. Búginde bul suraq bizde kún tártibinde tur jáne jaqyn ýaqytta ol óz sheshimin tabady dep oılaımyn. Kelesi másele joǵarǵy bilim berý. Sońǵy kúnderi baıqap jatqandaryńyzdaı, biz elimiz boıynsha birneshe joǵarǵy oqý ornyn lısenzııasynan aıyrdyq. Onyń sebebi bilimniń durys berilmeýi jáne sapanyń bolmaýy. Joǵarǵy oqý oryndaryna da qatysty túıitkildi máseleler baryn jasyrmaımyz. Bizdiń maqsat – osy máselelerdi júıeli túrde sheshý", - dedi A.Aımaǵambetov.
