«Biz kúrdeli kezeńdi bastan ótkerdik. Bizdiń dərigerlerimizdiń kəsibı sheberliginiń nátıjesinde qıyn jaǵdaıdy eńserdik. Qazir pandemııanyń ekinshi tolqynyna daıyndyqty bastadyq. Aımaqta dəri-dərmek qory jasaqtaldy. Stasıonarlardaǵy kerýetter sany naqtylanyp jatyr. Koronavırýsqa shaldyqqandardy emdeý ózge aýrýy bar naýqastardyń em qabyldaýyna kedergi keltirmeıdi dep kútilýde. Aımaqta 300-den astam medısına qyzmetkeri jetispeıdi. Olardyń qatarynda reanımatolog, pýlmonolog syndy mamandar bar. Sizder emdeý, keńes berýmen qatar, bizdiń mamandarymyzdy qaterli vırýspen nətıjeli kúres úshin daıyndaýǵa atsalysady dep senemin. Biz úshin oblystyń ekinshi tolqynǵa daıyn bolǵany mańyzdy» dedi Atyraý oblysynyń əkimi Mahambet Dosmuhambetov.
Grýzııadan kelgen dərigerlerdiń jatyn orny, tamaǵy men transportpen tasymaldaý məselesi sheshimin taýyp otyr.
«Atyraýlyq əriptesterimizge kómek kórsetý úshin óz tarapymyzdan is-təjirıbemizben bólisýge daıynbyz. Jaqsy nətıje kórsetýge tyrysamyz» dedi Grýzııadan kelgen dəriger-reanımatolog Djımsher Ahvledıanı.
Búginge deıin Atyraý oblysynda koronavırýs ınfeksııasyn juqtyrǵandardyń 11 038 jaǵdaıy tirkeldi. Onyń ishinde 10 489 adam saýyǵyp shyqty.
