«Ýchaske» operasııasynyń maqsaty – oblystyń árbir turǵynyna, aýyldyqtarǵa, qalalyqtarǵa ózderiniń ýchaskelik ınspektorymen áńgimelesýge, tanysýǵa, telefon nómirlerin alýlaryna jaǵdaı jasaý, - dep atap ótti SQO PD bastyǵynyń birinshi orynbasary polısııa polkovnıgi Qanat Aıtbaev.
Qazir bul jumys jalǵasyp keledi. Oblys boıynsha 5633 jer úı men 2877 páter, onyń ishinde 205 jaldamaly páter aralandy. Sondaı-aq, saıajaılar baqylaýda, 5 myńnan astam saıajaı úıleri tekserildi. Buryn sottalǵan adamdardy, problemaly otbasylardy, sondaı-aq qarý ıelerin tekserýge erekshe kóńil bólinedi. Basty mindet – qylmystar men quqyq buzýshylyqtardyń aldyn alý jáne ýaqtyly anyqtaý.
Soltústik Qazaqstan oblysyndaǵy barlyq 289 ýchaskelik polısııa ınspektor kún saıyn ákimshilik ýchaskelerindegi úılerge kirip, turǵyndarmen tanysady. Sonymen qatar 202 ýchaskelik polısııa pýnktterinde azamattardy qabyldaıdy. Halyqtyń kóp shoǵyrlanýyna baılanysty oblys ortalyǵy – Petropavl qalasyna qyzmet kórsetetin polıseılerdiń júktemesi aýyr. 97 ýchaskelik polısııa ınspektory 13 «tirek» pýnktterinde qyzmet kórsetedi. Bıylǵy 8 aıdyń ishinde qalalyq ýchaskelik polısııa ınspektorlarynyń qatysýymen 1810 qylmystyń beti ashylyp, 16 myńnan astam túrli ákimshilik quqyq buzýshylyqtar anyqtaldy.
«Ýchaske» operasııasy sheńberindegi júıeli profılaktıkalyq jumys qystyń alǵashqy kúnine deıin jalǵasyp, 1 jeltoqsanda aıaqtalady.
