Tótenshe jaǵdaı mınıstrligi 15 tamyzdan beri respýblıka boıynsha órt qaýipsizdigi aılyǵyn uıymdastyrýda. Osylaısha, jylytý maýsymy jaqyndaǵan tusta turǵyndardyń nazaryn ádettegideı qaýipsizdik sharalaryna aýdaryp otyr.
– Jyldaǵy dástúr boıynsha jeke sektorda turatyn adamdar arasynda reıd ótkizýdemiz. Maqsat – órt qaýipsizdiginiń negizgi erejelerin túsindirý. Birinshi kezekte turmysy tómen jáne kópbalaly otbasylardyń úı-jaıyn tekserýge basymdyq beriledi, – dedi mınıstrliktiń basqarma bastyǵy Oral Ábdirahmanov.
Tótenshe jaǵdaı mamandary jylý peshteri men qondyrǵylarynyń daıyndyǵyna mán beredi. Sondaı-aq turǵyndardy pesh murjalaryn ystan tazartýǵa shaqyrady.
Derekterge súıensek, byltyrǵy jylytý maýsymynda respýblıka boıynsha 5 myńnan astam órt shyqqan. Saldarynan 222 adam kóz jumdy. Buǵan negizinen pesh jaqqanda qaýipsizdik erejelerin saqtamaý sebep. Sonymen qatar elektr jelilerin montajdaǵanda, iske qosqanda qaýipsizdik erejeleriniń buzylýy da tótenshe jaǵdaıǵa túrtki bolady.
О́kinishke qaraı halyqtyń órt qaýipsizdigine qarsy mádenıeti áli aqsap tur. Vedomstvo mamandary tarapynan arnaıy reıdterdiń jıi júrgiziletini de sondyqtan. Túsindirý jumystary tótenshe jaǵdaıdyń aldyn alýǵa septigin tıgizedi.
– Jylý peshteriniń murjasy úsh aıda bir ret tazalanýy kerek. Al úzdiksiz jumys isteıtin peshterge eki aıda bir ret nazar aýdarǵan abzal. Peshti qaraýsyz qaldyrmaý kerek. Ásirese balasy bar úıler muqııat bolǵan jón. Budan bólek qyzyp turǵan peshtiń ústine aıaq kıim men sý aǵashty keptirýge bolmaıdy, – deıdi Tótenshe jaǵdaılar mınıstrliginiń ókilderi.
