Jolaýshylar úshin temirjol kóligi qyzmeti bir jylda 10%-ǵa qymbattady.
Qańtar-tamyz aılarynda temir jol kóligimen 267,2 mln tonna júk pen bagaj tasymaldandy. Bul bir jyl burynǵyǵa qaraǵanda 1,4-%-ǵa artyq.
Tikeleı júk tasymaly tamyz aıynda 35,2 mln tonnany qurap, 2020 jyldyń shildesimen salystyrǵanda 0,7%-ǵa jáne ótken jyldyń tamyzymen salystyrǵanda 2,3%-ǵa tómendedi.
Júk aınalymy 4,4% - ǵa, 194,1 mlrd tkm-ge deıin ósti. Aǵymdaǵy jyldyń tamyz aıynda júk aınalymy 25,4 mlrd tkm qurady. Bul shildemen salystyrǵanda 1,1%-ǵa jáne ótken jyldyń tamyzymen salystyrǵanda 4,5%-ǵa az. Tamyz aıynda jolaýshylar temirjol kóligi qyzmeti 9,9% - ǵa qymbattady.
О́ńirler arasynda baǵanyń ósýi Túrkistan oblysynyń turǵyndaryna aıtarlyqtaı áser etti: jyldyq ósim 23,8%-dy qurady. Sondaı-aq, Aqmola oblysynda (15,8% - ǵa) jáne Almatyda (15,1% - ǵa) da baǵalar ósti. Aqtóbe (0,1%-ǵa), Qyzylorda (1,5% - ǵa) jáne Batys Qazaqstan (1,6% - ǵa) oblystarynda qyzmetter birshama qymbattady.
