"Qazirgi tańda iz-túzsiz joǵalǵandar sany 1200 adamdy qurap otyr. Onyń ishinde 22-si bala. Kóp jaǵdaıda er adamdar joǵalyp jatady. Ol issapar men avtokólik aıdap ákelý, maýsymdyq jumystar boıynsha ózge aımaqqa ketken er azamattarǵa qatysty bolyp otyr. Al áıelder ishimdik ishkenniń saldarynan osyndaı oqıǵaǵa dýshar bolyp jatady. Jasóspirimder arasynda mundaı jaǵdaı áleýmettik az qamtylǵan otbasylarynyń jaǵdaıyna, ata-anasymen kelispeýshiliktiń saldarynan týyndap jatady", dedi Dýman Taev.
Onyń aıtýynsha, sońǵy 180 jaǵdaı boıynsha anyqtalyp, týystaryna qaıtarylyp jatyr.
"Adam saýdasyna qatysty seksýaldyq áreketterge májbúrleý iri qalalarda kezdesse, jumys kúshine májbúrleý aýyldarda kóp kezdesedi. Sondyqtan da bul qylmys túrleri barlyq óńirde kezdesedi", dedi ol.
