"Memleket basshysy Qasym-Jomart Kemeluly Toqaev óziniń Qazaqstan halqyna Joldaýynda buqaralyq sportty damytýǵa erekshe kóńil bóldi. Pandemııa kezinde densaýlyqty nyǵaıtý úshin dál osy baǵytty damytý mańyzdy", dedi Eraly Toǵjanov.
Búgingi tańda el turǵyndarynyń 30,6%-y sportpen jáne dene shynyqtyrýmen aınalysady. Bul rette, el boıynsha eń tómengi kórsetkishter Shymkent qalasynda (28,5%), Nur-Sultan qalasynda (29,2%) jáne Aqmola oblysynda (29,8%) baıqalyp otyrǵany aıtyldy.
Sondaı-aq, jıyn barysynda buqaralyq sport túrlerin qarjylaı qoldaý, halyq arasynda sportty dáripteýdiń naqty qadamdaryn ázirleý, bilikti nusqaýshylar jáne sport zaldarymen qamtamasyz etý máseleleri talqylandy. Balalar men jastardy sport seksııalaryna tartý, jalpy bilim beretin mektepterdegi sport zaldary men jabdyqtarynyń tapshylyǵy máselesine erekshe nazar aýdarylady.
Keńes qorytyndysy boıynsha Eraly Toǵjanov memlekettik organdarǵa, onyń ishinde Mádenıet jáne sport mınıstrliginiń úılestirýshi rólin zańnamalyq turǵydan kúsheıtý, sportpen aınalysatyn azamattardyń úlesin arttyrý, buqaralyq sportty qarjylandyrýdy kásibı klýbtarǵa jumsalatyn shyǵyndardy qysqartý esebinen arttyrý, sport zaldary men mektepterdegi jabdyqtar tapshylyǵyn sheshý týraly naqty tapsyrmalar berdi. Sondaı-aq, óńirlerdiń ákimdikterine dene shynyqtyrý-saýyqtyrý keshenderiniń qurylysyn erekshe baqylaýǵa alyp, olardy 2020 jyldyń sońyna deıin aıaqtaý tapsyryldy.
