"Qurmetti Tekeli turǵyndary! Men Qazaqstan Respýblıkasynyń "Memlekettik qyzmet týraly" zańyna sáıkes, zań ústemdigin qurmet tutatyn azamat retinde óz erkimmen otstavkaǵa suranyp, ótinish jazdym. Jáne búgin oblys ákimi – Amandyq Ǵabbasuly otstavkamdy qabyldady. 2016-jyldyń qarasha aıynan bastap ózderińizdiń qoldaýlaryńyzben osy ýaqytqa deıin azdy-kópti qyzmet atqardym", deıdi óńir basshysy.
Baqtııar О́nerbaevtyń aıtýynsha, ol osy tórt jyl ishinde óńir jurtynan qoldaý kórip, qalany kórkeıtýge biregeı úles qosqandyǵyn alǵa tartty.
"Sizderge degen alǵysym sheksiz! Tekeli qalasy men úshin óte ystyq meken. Keleshekte jıi kelip, qalany kórkeıtýge óz úlesimdi qosýǵa daıynmyn. Tekeli qalasy eń damyǵan, týrıstik qalanyń birine aınalatynyna senimim mol. Aman-saý bolyńyzdar! Tekeli qalasynyń árbir otbasynda baq-bereke bolsyn!", deıdi qala ákimi.
Eske sala keteıik, Tekeli qalasy ákiminiń apparat basshysy 1,5 mln teńge paramen ustalyp, qylmysy dáleldengen edi. Osyǵan oraı zań boıynsha qolastyndaǵy memlekettik qyzmetker paramen ustalsa, onyń basshysy qyzmetinen ketýi tıis.
