Suhbat • 22 Qyrkúıek, 2020

Áıgerim Berekesheva: Bıznesti damytýda bilimmen qatar tájirıbe mańyzdy

33 ret kórsetildi

Áıgerim Berekesheva Taldyqorǵan qala­synda orta mektepti támamdaǵannan keıin Almatydaǵy Qazaq-Amerıka ýnıversıtetine oqýǵa túsedi. Bilimin Kolýmbııa ýnıver­sıtetinde jalǵastyrǵan jas túlek 2011 jyly oqýyn aıaqtap, Nıý-Iorktegi Ernst Young’s ofısinde taǵylymdamadan ótedi. Shetelde alǵan bilimi men tájirıbesin Ota­nynda jalǵastyrýdy maqsat etken Áı­gerim óz kompanııasynyń negizin qalap, bú­ginde kóptegen sheteldik kompanııalarmen árip­testikte jumys istep keledi. «Qazaqstannyń 100 jańa esimi» jobasynyń jeńim­pazy, Nıý-Iork advokattar kollegııasynyń múshesi, 2017 jyly Eýropa bankteri bastamasymen qurylǵan ári qazaqstandyq jobalardy qarjylandyrýmen aınalysatyn COCAD zańdy tulǵalar qaýymdastyǵy quryltaıshylarynyń biri Áıgerim Berekesheva zań kompanııasynyń baǵyt-baǵdary týraly áńgimelegen edi.

– Áıgerim, kóptegen jas mamandar bilim alǵannan keıin shetelderde qa­lýǵa tyrysatyny belgili. Degenmen, siz elge oralyp, jeke kom­panııańyzdy ash­ýy­ńyzdyń ózi úl­ken jetistik.
Adilet & Alem kompa­nııa­sy týraly aıtyp ótseńiz?

– Shetelde alǵan bilimimdi, táji­rıbemdi óz elimde júzege asyrý azamattyq paryzym dep bilemin. Elge oralǵannan keıin «Rozenblatt» halyqaralyq zań kompanııasyna jumysqa turdym. Biraz ýaqyt ótkennen keıin seriktesterim meni advokat retinde emes, klıenttermen jumys isteıtin baqylaýshy retinde kórgisi keletinin aıtty. Nátıjesinde, 2012 jyly 12 jeltoqsanda Adilet & Alem  kom­panııasynyń negizi qalandy.

– Kompanııa qandaı baǵytta jumys isteıdi?

– Kompanııanyń negizgi maqsaty – halyqaralyq zańdar boıynsha jáne korporatıvtik keńester berý, ınvestısııalarmen ju­mys isteý. Tikeleı ınvestorlar tabýǵa qoldaý kórsetý, Eýropalyq banktermen jumys isteý de kompanııanyń ne­gizigi baǵyttarynyń biri sanalady. Búginde kompanııa kóptegen sheteldik áriptestermen jumys isteýdi jolǵa qoıǵan. Árıne, kompanııany alǵash ash­qan kezde áriptester izdeýmen, áleýetti klıent­terge kommersııalyq usynystar jiberýde kóptegen jumys jolǵa qoıyldy. Nátıjesinde, «Arselor Mıt­tal» metallýrgııalyq kompanııasy jáne «Promstroı kelisimshart» qurylys toby Adilet & Alem kompanııasynyń alǵashqy iri klıentteriniń qataryna kirdi. Birte-birte olardyń qatary ul­ǵaıyp, kompanııamyz týraly jaǵymdy pikirler qalyptasa bastady. Búginde Adilet & Alem kompanııalarynyń klıentteri arasynda «Qazposhta», OTIS, Viled Group, PetroChina, Prada Group Kazakhstan, taǵy basqa  kompanııalar bar. Kompanııa tek múddeni ǵana emes, sonymen qatar uzaq merzimdi yntymaqtastyq týraly kelisimshartqa jumys isteýdi maqsat etedi. Adilet & Alem halyqaralyq jasyl tehnologııalar jáne ınvestısııalyq jobalarmen memorandýmǵa qol qoıǵan birden-bir zań kompanııasy. Kompanııa resmı túrde Qazaqstanda sheteldik ınvestorlarmen barlyq jobalardy júzege asyrady. 2014 jyldan bastap Italııamen jumystarymyzdy jolǵa qoıyp, Mılan qalasynda ofısimizdi ashtyq. Pandemııaǵa baılanysty bir­qatar josparlarymyz kesheýildep qal­dy. Degenmen, Máskeýde, kelesi jyly Qytaıda ofısterimizdi ashýdy josparlap otyrmyz. Búginde Baker McKenzie sııaqty halyqaralyq, sonymen qatar Grato, Kalıbrı, Sayat Zholshy & Partners, taǵy basqa qazaqstandyq kompanııalarmen de jumys istep kelemiz.

– Joǵaryda ınvestor tartýǵa qol­daý kórsetý jaıynda aıtyp ót­tińiz. Qazaqstan jaǵdaıynda ınves­tor­­lar qandaı salalarǵa kóp kóńil bóledi?

– Búginde elimizde ınvestorlar barlyq salalarǵa qyzyǵýshylyq tanytýda deýge negiz bar. Biraq barlyq salaǵa birden kele qoıady dep aıta almaımyz. Sebebi elimiz oǵan mádenı, geografııalyq turǵydan daıyn emes. Sonymen birge zańnamalyq júıesi áli tolyq qalyptaspaǵan. Mysaly, Ame­rıkada, Eýropanyń saýda-ekono­mıkalyq zańnamalyq júıesiniń bes júz jyldyq tarıhy bar desek, keńestik júıeniń quramynan shyqqan jas mem­lekettiń zańnamalyq turǵydan damýy uzaq jyldardy qajet etedi. Aldaǵy ýaqytta ja­ńa mindetter men talaptar qoıa otyryp, ártúrli salada damýdy júzege asy­rýǵa tıispiz. Zańnamalyq turǵyda shetel­dik kom­pa­nııa­larmen jumys isteý qajettiligi basym.

– Elimizdiń zańnamalyq júıesiniń áli­ de damytatyn tustary jetkilikti deı­­siz. Al salany damytý úshin maman máse­­lesi qanshalyqty jolǵa qoıyl­ǵan?

– Otandyq kompanııalardy damytý úshin mindetti túrde shetelderde bilim alý mańyzdy emes. Bizdiń kompanııa óz elimizde bitirgen túlekterdi jumysqa qabyldaıdy. Búginde shetelderdegi ofısterimizde Qazaqstannyń joǵary oqý oryndaryn bitirgen túlekter eńbek etýde. Árıne, bilim sapasy asa joǵary deńgeıde dep aıta almaǵanymmen, eń bas­tysy tájirıbege nazar aýdarý. Maman úshin jumys barysyn ıgerýge kem degende jarty jyldan astam ýaqyt ketedi. Al óz isiniń kásibı sheberi bolǵysy keletin maman úshin kez kelgen mejeden ótý qıyndyq týǵyzbaıdy.

– Adilet & Alem kompanııasynyń baǵaly qaǵazdar naryǵynda da jumys tájirıbesi bar ekeni belgili. Áıtse de Qazaqstanda baǵaly qaǵazdar naryǵy áli halyq­aralyq dárejege kóterile qoıma­ǵany belgili.

– Árıne, kompanııanyń baǵaly qaǵazdar naryǵynda da jumys tájirıbesi bar. Degenmen elimizdiń baǵaly qaǵazdar naryǵynyń damı qoımaǵany málim. Al salany damytý úshin naryqqa tek qazaqstandyq emes, TMD elderindegi barlyq kompanııalarmen jumys isteý qajet. Osy oraıda «Astana» halyqaralyq qarjy ortalyǵynyń jumysyn damytýdyń da mańyzy zor.

– Al sheteldik kompanııalardyń zań­namasynda memlekettik basqarý júıesi qalaı jolǵa qoıylǵan?

– Bizdiń elimizde dál sheteldegideı erkindik joq. Mysaly, shetelderde kompanııalardyń zańnamasynda mem­lekettik basqarý júıesi tolyqqandy jolǵa qoıylǵan. Qarapaıym mysal, elektrondy úkimet júıesin Amerıka, Shveısarııamen salystyrýǵa kelmeıdi. Osy turǵydan alǵanda bizge myqty sarapshylar, isimen, tájirıbesimen úlgi bolatyn mamandar kerek. Olardy daıarlaý úshin ári jumysty jaqsartý úshin shetelderden kóshirý mindetti emes. Damý úshin elimizdiń geografııalyq erek­shelikteri men mentalıtetin negizge ala otyryp, bıznestiń baǵasyn, basqarý qurylymyn ózgertetin múmkindikter kerek.

– Áńgimeńizge rahmet.

 

Áńgimelesken

Elvıra Serikqyzy,

«Egemen Qazaqstan»

Sońǵy jańalyqtar

Aýyl damymaı, memleket damymaıdy

Parlament • Búgin, 07:13

Huawei óndirisi kedergige ushyrady

Álem • Búgin, 07:09

Nıgerııa kóshelerindegi sherý

Álem • Búgin, 07:05

Jol apaty nege kóp?

Qoǵam • Búgin, 07:01

Qatygez bala qaıdan shyǵady?

Qoǵam • Búgin, 06:58

Qashaǵannyń gazyn tutynatyn kez keldi

Ekonomıka • Búgin, 06:56

Kollektorlyq qyzmet kerek pe?

Qarjy • Búgin, 06:53

Joshy ulysy

Tanym • Búgin, 06:43

Ádil tórelik, tıimdi sot júıesi qajet

Prezıdent • Búgin, 06:40

Oısylqara áýlıe kesheni qorǵaýǵa alyndy

Rýhanııat • 24 Qazan, 2020

Atyraýda 9 balany ıt talady

Aımaqtar • 24 Qazan, 2020

Nur-Sultanda jańa saıabaq ashyldy

Qoǵam • 24 Qazan, 2020

Atyraýda 8 adamnan koronavırýs anyqtaldy

Aımaqtar • 24 Qazan, 2020

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Uqsas jańalyqtar