Bes jyldyq baǵdarlama tanystyryldy

Osy oraıda Jas Otan jastar qanatynyń jetekshisi Elnur Beısenbaev baǵdarlamanyń erek­sheligi men daıynda­lý barysy týraly aıtyp ber­di. Nur Otan partııasynyń kóshbas­shysy N.Nazarbaevtyń tapsyr­masy boıynsha 5 jylǵa jos­par­lanǵan «Jastar – Otan­ǵa!» baǵdarlamasynyń jobasy ázirlendi. Baǵdarlama eli­miz­diń úzdik sarapshylary men saıasattanýshylardyń qaty­sýymen jastar máselesine qatys­­ty halyqaralyq uıym­dardyń konsepsııalary, álemdik úr­dis­ter men tájirıbelerdi es­kere otyryp daıyndaldy. Baǵdar­lamany daıyndaý barysynda bizge áleýmettik jeliler, onlaın jáne oflaın kezdesýler men talqylaýlar arqyly 3 765 usynys kelip tústi. Sonymen qatar jaqynda jasotan.kz saıtynda baǵdarlamany iske asyrý jónindegi is-sharalarmen naqty kórsetkishter kórsetilgen 216 sharadan turatyn jol kartasyn jarııaladyq», deıdi uıym jetekshisi.

Jas Otan jastar qanaty Jas­tar jobalary jáne analıtıka basqarmasynyń basshysy Nurzına Qydyralına baǵdar­lama aıasynda qamtylatyn 5 ne­gizgi baǵytqa toqtaldy. «Búgin­de biz negizgi bes mańyzdy baǵyt boıynsha jumys atqaramyz. Olar elimizdiń ár jas azama­ty­nyń ómiriniń barlyq salasyn qamtıdy. Bul – jastardyń azamattyq bastamalaryn qoldaý, bilim berý sapasyn arttyrý, jumyspen qamtý, turǵyn úımen qamtamasyz etý jáne olardyń bos ýaqytynyń tıimdi ótýine atsalysý», dep naqtylady ol.

Partııanyń jastar qana­ty bes jyl ishinde jastar arasyn­daǵy jumys­syzdyq deńgeıin 3,7%-ǵa, NEET jastardyń úlesin 6,8%-ǵa deıin tómendetýdi jos­parlap otyr.

Jol kartasynda aýyl jastaryna, dálirek aıtqanda olardyń bos ýaqytyn uıymdastyrýǵa erek­she kóńil bólingen. Atap aı­tar bolsaq, joba boıynsha aýyl­dyq jerlerde jalpy al­ǵanda 450 myń adamdy qamtıtyn sport nysandary salynady.

Stýdentter máselesi de shet qalmaǵan. Baǵdarlama aıasynda respýblıka stýdentteriniń
25%-­y­ jataqhanamen qamtama­syz etilmek.

Atalǵan jańalyqtarmen qa­tar jasotandyqtar Saıası menedj­­ment mektebimen bir­lesip jańa jobany qolǵa aldy. Qyr­­kúıek aıynda «Sana» tul­ǵalyq damý mektebi onlaın dáristerin bastaıdy. Qatysý­shylar sheshen­dik óner, emosıonaldy ıntellekt jáne kóshbasshylyq, ınternet-marketıng modýlderi boıynsha tegin bilim ala alady.