Shejireli bilim ordasy

Osy jyly kolledj kúrdeli jóndeýden ótip, oqý ornyna esimi berilgen memleket jáne qoǵam qaıratkeri, Sosıalıstik Eńbek Eri, soǵys ardageri I.Ábdikárimovtiń ǵımarat al­dyn­daǵy eskertkish bıýsti qaı­ta jańǵyrtyldy. Osyǵan oraı uıymdastyrylǵan saltanatty is-sharaǵa oblys ákiminiń orynbasary Naýryzbaı Baıqa­da­mov qatysty. Al tarıhy 1930 jyldan bastaý alatyn oqý orny ár dáýirde túrli ataýǵa ıe bolyp, daıyndalatyn mamandyq aıasyn da keńeıtip otyrypty. Osy jyldar aralyǵynda 12 myńnan asa túlegi ushyrǵan irgeli oqý ornynda ma­te­rıaldyq-tehnıkalyq baza ja­ńaryp, bilikti pedagogter júıe­si qalyptasty. Qazaqstan Respýblıkasy Mınıstrler Kabı­netiniń 1997 jylǵy 8 ma­myr­­daǵy №814 qaýlysymen óńir­degi aýyl sharýashylyǵy, polı­tehnıkalyq jáne temir jol kolledjderin biriktirý arqy­ly Qyzylorda ag­rar­lyq teh­nıkalyq kolledji bolyp qu­ryldy. Al 2003 jyly kolledjge osy oqý ornynyń tanymal túlekteriniń biri, qoǵam qaıratkeri I.Ábdikárimovtiń esimi berildi.

Jańaqorǵan aýdanynda tý­ǵan Isataı Ábdikárimov 18 ja­­synda soǵys sarbazy atana­dy. Maı­dannan oralǵannan keıin soǵyst­an turalaǵan el turmysyn túzeý úshin eńbek etti. Aýdan, ob­lystyq partııa komıtetin bas­qardy. Jet­pi­sin­shi jyldar sońyna qaraı Qazaq KSR Joǵary Keńesi Prezı­dıýmy­nyń tóraǵasy bolyp taǵaıyn­dalady.

Qazir tarıhy tereń oqý ordasynda eki myńǵa tarta stýdent 30 mamandyq boıynsha bilim alýda.

– Bilim oshaǵy 2015-2019 jyldarǵa arnalǵan ındýs­trıal­dy-ınnovasııalyq damý mem­le­ket­tik baǵdarla­ma­sy­nyń sura­ny­syna saı Bilim jáne ǵylym mınıstrligi men «Kásipqor» holdıngi AQ anyq­taǵan elimizdegi bilikti maman daıarlaıtyn úzdik on kolledjdiń qataryna endi. О́ńir­ge qajetti mamandyqtar daıar­laýda kolledjdiń orny erekshe ekendigin atap ótken jón. Mysaly, 2013 jyly Y.Jaqaev atyndaǵy Qazaq kúrish ǵylymı zertteý ınstıtýtymen jasalǵan keli­simshart negizinde, aımaqta alǵash ret kolledjde «Agro­no­mııa» mamandyǵyn dýaldi oqytý júıesi engizildi. Elbasy Nursultan Ábishuly Nazarba­ev­tyń bastamasymen Jastar jylynda qolǵa alynǵan «Jas maman» jobasyn óńirimizde júzege asyratyn 9 kolledjdiń qataryna engizilgen bul oqý ornynyń materıaldyq-tehnı­ka­lyq bazasyn zamanaýı qural-jabdyqtarmen qamtamasyz etý úshin qajetti qarajat respýblıkalyq bıýdjetten bólindi. Jastardyń kásiptik bilim alýyna jasalǵan osy múmkindikti oqý ornynyń bas­shylyǵy ıgilikti iske aınaldyra bilgeni qýantady. Ǵasyrǵa jýyq tarıhy bar oqý ordasyna budan da bıik beles tileımiz. Mereıtoı qarsańynda qaıta jabdyqtalǵan oqý ornynyń búgingi kelbetine saı demeýshiler kómegimen granıt tas­pen qaptalyp, qoladan quıylǵan I.Ábdikárimov eskertkishi de ja­ńar­tylyp otyr, – dedi oblys áki­miniń orynbasary.

 Jıyn barysynda ǵalym, professor Qazybaı Qudaıbergenov qandaı bıik qyzmette júrse de aqı­qattan attamaı ótken azamat Isataı Ábdikárimov týraly es­te­lik aıtsa, qyzy Shámshııa Isat­­aıqyzy ujym basshylyǵyna alǵy­syn jetkizdi. Munan keıin jınalǵan kópshilik «Jas maman» jobasy boıynsha jabdyqtalǵan zert­hanalarmen tanysyp, «She­ji­­re­li bilim ordasy» atty saltanatty keshke qatysty.

 QYZYLORDA