Atalǵan baǵytta atqarylyp jatqan jumystar týraly Saýda jáne ıntegrasııa mınıstri B. Sultanov, «Atameken» UKP tóraǵasy A. Myrzahmetov baıandady, Joǵarǵy sottyń sýdıasy A. Túkıev pen Tutynýshylardyń quqyqtaryn qorǵaý koalısııasynyń tóraǵasy M. Ábenov túsinikteme berdi.
2020 jyldyń 8 aıynda Saýda jáne ıntegrasııa mınıstrliginiń Tutynýshylardyń quqyqtaryn qorǵaý komıtetine qyzmetter men taýarlardyń sapasyna qatysty shaǵymdarmen 8 myńnan astam ótinish kelip tústi, olar boıynsha tutynýshylardyń 80%-nyń quqyqtary qorǵaldy (6 400 ótinish).
Osy maýsymda úkimettik emes uıymdar men bıznesti tarta otyryp, tutynýshylardyń quqyqtaryn qorǵaýdyń birtutas júıesin qurýǵa yqpal etetin zańnamalyq túzetýler qabyldandy. Premer-Mınıstr tutynýshylardyń quqyqtaryn qorǵaýdyń qazaqstandyq júıesi «tutynýshy – qoǵamdyq birlestik – memleket» ózara is-qımyl jasaý baılanysy naqty qurylǵan sheteldik ozyq tájirıbeni eskerýi tıis ekenin atap ótti. Bul rette azyq-túlik salasyna, medısınalyq qyzmetterge, TKSh, farmasevtıkalyq taýarlarǵa, sondaı-aq týrızmge erekshe nazar aýdarý qajet.
«Sapasyna kepildik berýge bolatyn ónimderdi óndirýge, baqylaý maqsatyndaǵy satyp alý mehanızimin paıdalanýǵa, adal jarnama men marketıngke baǵyttalǵan saıasat júrgizý qajet», — dedi A. Mamın.
Úkimet basshysy osy jyldyń sońyna deıin tutynýshylardyń quqyqtaryn qorǵaý salasynda qoǵamdyq uıymdar birlestigin qurýdy, sondaı-aq úkimettik emes uıymdar bazasynda tutynýshylardyń quqyqtaryn qorǵaý jónindegi ombýdsmen ınstıtýtyn engizý máselesin pysyqtaýdy tapsyrdy.
Ulttyq ekonomıka, saýda jáne ádilet mınıstrlikterine normatıvtik-quqyqtyq aktiler jobalarynyń tutynýshylardyń quqyqtaryn qorǵaý turǵysynan retteýshilik áserine taldaý júrgizý boıynsha mindetti talapty qarastyrý tapsyryldy. Buǵan qosa, osy aktilerdi ázirleýge qoǵamdyq keńesterdiń quramynda úkimettik emes uıymdardyń qatysýyn qamtamasyz etý kerek.
Saýda mınıstrligine Ulttyq ekonomıka mınıstrligimen birlesip, memlekettik organdardyń, jergilikti atqarýshy organdar men kvazımemlekettik uıymdardyń tıimdilik kórsetkishterine (KPI) tutynýshylar tarapynan qanaǵattaný jáne senim deńgeıin baǵalaýdy qosý tapsyryldy.
«Atameken» UKP-ǵa Erikti iskerlik tájirıbe erejeleriniń jıyntyǵyn jáne tutynýshylardyń múddeleri men quqyqtaryn eskeretin úlgilik sharttardy qabyldaý, sondaı-aq usynylatyn qyzmetter men taýarlardyń sapasyn jaqsartý úshin bıznesti yntalandyrý sharalaryn pysyqtaý tapsyryldy.
Premer-Mınıstr 2020 jylǵy 1 qarashaǵa deıin Tutynýshylardyń quqyqtaryn qorǵaýdyń birtutas júıesin qurý jónindegi is-sharalar josparyn ázirleýdi tapsyrdy.
