Aıtýly doda tuńǵysh ret 1989 jyly uıymdastyrylǵan edi. Erler arasynda Italııanyń "Trentıno" klýby eń zor tabysqa qol jetkizdi. Olar bas júldeni bes márte (2009, 2010, 2011, 2012, 2018) oljalady. Brazılııanyń "Sada Krýzeırosy" úsh dodada (2013, 2015, 2016) dara shyqsa, byltyrǵy jyly ótken jarysta Appenın túbegindegi Chıvıtanova-Marke qalasynda irgetasy qalanǵan "Kýchıne Lýbeniń" baq juldyzdary jandy.
1991-2019 jyldar aralyǵynda áıelder saıysy 13 márte uıymdastyryldy. Sol básekelerdiń altaýynda Túrkııanyń arýlary aldaryna jan salmady. Atap aıtsaq, «Vakyfbank» - úsh (2013, 2017, 2018), "Edjzachıbashı" - eki (2015, 2016) jáne "Fenerbahche" - bir (2010) retten top jardy. Bul komandalarlardyń barlyǵy da – Ystambuldan. Byltyr Qytaıda ótken jarysta «Imoko Volleı» klýby eshkimge des bermedi.
