Aımaqtar • 22 Qyrkúıek, 2020

Qostanaı oblysynda 21 adam sýǵa ketken

166 ret

kórsetildi

1 mın

oqý úshin

Tótenshe jaǵdaı departamenti basshysynyń orynbasary Rızabek Qabylbekovtyń aıtýynsha, oblysta jazǵy shomylý maýsymynda 18 adam sýǵa ketken. Kóz jumǵandardyń ishinde alty adamnyń ózenge mas kúıinde túskeni anyqtalyp otyr, dep habarlaıdy Egemen.kz.

Nurqanat QULABAEV

Sondaı-aq, ózderimen birge qutqarý quralyn almaı balyq aýlaýǵa shyqqan 4 adam sýǵa batyp kóz jumǵan. Al 5 adam shamadan tys alysqa júzip baryp, kúshi sarqylyp keri qaıta almaı sý astynda qalǵan. О́kinishke qaraı, eresek adamdardyń salǵyrttyǵynan 3 bala sýǵa batyp ketken. Atalǵan qaıǵyly oqıǵanyń barlyǵy da shomylýǵa ruqsat etilmegen sý qoımalarynda oryn alyp otyr.

- Biz 2638 reıd júrgizip, demalýshylar men balyqshylarǵa eskertpe nusqaý berdik. Ákimdikpen birlese otyryp, sý jaǵalaýlaryna «Shomylýǵa tyıym salynady» degen 440 anshlag ornattyq. Reıd sharalary barysynda 77 adamǵa eskertý berildi. Sý jaǵasynda spırttik ishimdik ishken júzden astam turǵynǵa 800 myńǵa jýyq aıyppul salyndy, dedi Rızabek Qabylbekov.

Qostanaı oblysy