Baspasóz májilisinde basqarma basshysy karantındik rejım kezinde qashyqtan oqytý barysyna toqtaldy.
– Qaladaǵy barlyq mektepterde «Bilim Iand - Onlinemektep.org» ınternet platformasynda qashyqtan oqytý uıymdastyrylǵan. Sonymen qatar, olar QR BǴM tarapynan endirilgen «Kúndelik.kz» elektrondy jýrnaldar aqparattyq júıesinde jumys júrgizýde. Al mektepke deıingi uıymdarda ata-analardyń qalaýy boıynsha balalardy kezekshi toptarǵa qabyldaý uıymdastyryldy. Bala sany 15-ten aspaıdy. Jalpy, búginde 2711 kezekshi topta 18 971 bala tárbıelenýde, dedi J.Tájıeva.
Janat Arysbekqyzynyń sózine súıensek, qalada qashyqtan bilim berý jaǵdaıynda 222 050 oqýshynyń 80 780-inde (36,3%) kompıýterge tapshylyq anyqtalǵan. Onyń 42 907-i – áleýmettik kómekti qajet etetin otbasy balalary. Osyǵan oraı bilim uıymdaryndaǵy kompıýterlerdi ýaqytsha berý arqyly birinshi kezekte áleýmettik kómekti qajet etetin 20 150 otbasynyń 35 798 balasy kompıýtermen qamtylǵan. Aldaǵy ýaqytta satyp alynatyn kompıýterlik qurylǵylar esebinen 44 982 oqýshy qamtylady. Onyń ishinde 7 109-y – az qamtylǵan otbasy balalary, al BBUDQ sáıkes 37 873-i kompıýterdi qajet etetin otbasy balalaryna úlestiriledi.
Brıfıng barysynda basqarma basshysy ınternet jelisi nashar eldimekenderdiń máselesi sheshilip jatqanyn aıtty. Odan bólek, Shymkent qalasynda kezekshi synyptarǵa shahmat sabaǵy engizilgenin jetkizdi. Bul bastama jóninde pikir bildirgen Janat Arysbekqyzy basty maqsat balanyń zııatkerlik deńgeıin ósirý, oı-órisin damytý ekenin alǵa tartty.
Aıta keteıik, bıyl Shymkent qalasynda jańa oqý jyly 752 bilim berý mekemelerdegi 330 myńǵa jýyq bilim alýshylarmen bastaldy.
