Jarystyń birinshi aınalymynda elimizdiń úshinshi raketkasy Zarına Dıas amerıkalyq Krıstına Makheılmen kezdesip, úsh setke sozylǵan básekede 6:7, 7:5, 7:6 esebimen jeńiske jetti. Dıas bul jeńisi arqyly amerıkalyq tennısshimen jeke kezdesý boıynsha esepti teńestirdi. Endi jerlesimiz kelesi kezeńde japonııalyq Nao Hıbınomen baq synaıdy. О́z kezeginde Nao birinshi kezeńde amerıkalyq Sloan Stıvensten basym tústi.
Osy týrnırde óner kórsetip jatqan taǵy bir jerlesimiz Elena Rybakına belgııalyq Grete Mınnenmen kezdesip, eki sette 7:5, 6:4 esebimen tize búktirdi. Qazaqstannyń birinshi raketkasy kelesi matchyn fransııalyq Alıze Kornemen ótkizedi. Korne birinshi kezeńde slovenııalyq tennısshi Polona Hersogti 6:4, 6:3 esebimen jeńip ketti.
Sondaı-aq «Rolan Garros» (Fransııa) básekesiniń irikteý kezeńine qatysyp jatqan qazaqstandyq tennısshi Dmıtrıı Popko da jarysty jeńispen bastady. Irikteý kezeńiniń alǵashqy aınalymynda ol argentınalyq Andrea Kollarınıdi 6:2, 6:1 esebimen utty.
