Birinshi kezekte áleýmettik nysandarǵa jylý berile bastady: balabaqshalardyń shamamen 50%-y, densaýlyq saqtaý obektileriniń 25%-y, bilim berý, mádenıet obektilerin qosý boıynsha jumystar júrgizilýde. Sonyń ishinde kóp páterli turǵyn úı keshenderin jylytýǵa qosý boıynsha da daıyndyqtar jalǵasyp jatyr. Obektilerge daıyndyq pasporttary alyndy, jańa nysandardy jylytýǵa qosý kózderi anyqtaldy.
Jeke sektor turǵyndary úshin kómir qalanyń ártúrli bólikterindegi 11 núktede satylady. Otyn qoımalarynda jetkilikti kólemde bar. Kómirdiń baǵasy, túrleri jáne sany týraly tolyq aqparatty 109 jedel jeli nómiri boıynsha bilýge bolady. Sonymen qatar turǵyn úı alaptaryn gazdandyrý jumystary jalǵasýda.
