Onlaıyn is-sharaǵa Aqparat jáne qoǵamdyq damý vıse-mınıstri Marat Ázilhanov, Syrtqy ister mınıstrliginiń Omby qalasyndaǵy Qazaqstan Respýblıkasy konsýldyǵynyń ókilderi, sondaı-aq, "Otandastar qorynyń" basshylary, "Omby qazaqtary" qoǵamdyq birlestiginiń belsendileri qatysty.
Bas qosý barysynda bolashaqta Reseı qazaqtarynyń mádenı, iskerlik jáne bilim berý qyzmetin qoldaýǵa baǵyttalǵan birlesken jobalardy iske asyrý máseleleri talqylandy. Sondaı-aq, Abai Uii qazaq mádenı-iskerlik ortalyq arqyly halqymyzdyń mádenı murasyn keńinen nasıhattaý, shet eldegi otandastarmen iskerlik jáne gýmanıtarlyq baılanysty nyǵaıtý jaıly sóz boldy.
Atalmysh ortalyq negizgi 4 baǵyt boıynsha jumys isteıdi. Birinshi baǵyt – mádenı-gýmanıtarlyq jáne qazaq tilin úıretý jobalaryn qamtysa, ekinshi baǵyty – "Atameken" iskerlik jobasy boıynsha qandastardyń eki jaqty tıimdi bıznes jobalaryna qoldaý kórsetiledi. Úshinshi baǵyt – "Jas qazaq" jobasy arqyly shet elderdegi talantty jasóspirimderdi elge tartyp, birlesken baǵdarlamalardy júzege asyrý isi kózdelse, tórtinshi baǵyt – "Atajurt" jobasy boıynsha shet eldegi qazaqtildi BAQ-tardyń ıýasyn qosqan qaýymdastyq quryp, ózara aqparattyq yntymaqtastyqty arttyrý jaıy josparlanyp otyr eken.
Aldaǵy kúnderi Aqparat jáne qoǵamdyq damý mınıstrligi, Dúnıejúzi qazaqtary qaýymdastyǵy jáne "Otandastar qorynyń»" birlesken jobasy arqyly joǵarydaǵydaı mádenı-iskerlik úıler jyl sońyna deıin О́zbekstan astanasy Táshkentte, Túrkııanyń úlken qalasy Stambýlda, Qyrǵyzstan ortalyǵy Bishkekte jáne Germanııanyń Berlın qalalarynda da ashylmaq eken.
