Qazaqstan • 23 Qyrkúıek, 2020

Qazaqstandyq áýe kompanııasy Eýroodaq sanksııasyna ilikti

41 ret kórsetildi

Sigma Airlines kompanııasyna Lıvııaǵa qarý-jaraqty zańsyz tasymaldady degen aıyp taǵylyp otyr, dep habarlaıdy Egemen.kz

"Atalǵan paıdalanýshylardyń áýe kemeleriniń menshik ıeleri BAÁ-de, Brıtan Vırgın araldarynda tirkelgen sheteldik kompanııalar bolyp tabylady. Kemeler Taıaý Shyǵys aımaǵynda da sheteldik tapsyrys berýshilerdiń múddeleri úshin paıdalanyldy. Negizgi bazasy BAÁ boldy", dep túsindirdi Azamattyq avıasııa komıteti tóraǵasynyń orynbasary Ardaq О́tepov.

Buǵan deıin BUU Qaýipsizdik Keńesi Sigma Airlines qarý-jaraqty Lıvııaǵa jetkizetinin, osylaısha halyqaralyq uıymnyń tyıym salýyn buzatynyn málimdedi. Qazir kompanııanyń reısteri toqtatylǵan. Endi elimizdiń quqyq qorǵaý organdary men Qaýipsizdik Keńesiniń ókilderi zańsyz jetkizilimderdiń qalaı júzege asyrylǵanyn anyqtaýy kerek.

Sonymen qatar Qazaqstannyń avıasııalyq ákimshiliginiń basshysy Pıter Grıffıts Atameken Business telearnasyna qazaqstandyq avıatasymaldaýshynyń kinási týraly dálelder joq ekenin málimdedi.

"Úsh aı ishinde tergeý júrgiziledi. Onyń nátıjelerine súıene otyryp, biz sheshim qabyldaımyz. Eger Sigma Airlines kinási dáleldense, kompanııa jabylady", dedi ol.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar