Qoǵam • 23 Qyrkúıek, 2020

Qostanaıda "Jumyspen qamtýdyń jol kartasy" aıasynda 14 340 jumys orny ashyldy

15 ret kórsetildi

Memlekettik baǵdarlamanyń óńirde júzege asyrylý barysy oblystyq ákimdikte aımaq basshysy Arhımed Muhambetovtyń tóraǵalyǵymen ótken alqaly jıynda talqylandy, dep habarlaıdy Egemen.kz

Basqosýda basqarma basshylary oblysta júrgizilip jatqan jumystardyń iske asyrylýy men qarqyny týraly baıandady.

– Bıyl "Jumyspen qamtý jol kartasy" memlekettik baǵdarlamasyn iske asyrý aıasynda 53,7 mlrd teńge somasyna 282 jobany iske asyrý kózdelgen. Baǵdarlamany júzege asyrý barysynda aımaqta 14 340 jumys orny quryldy, onyń ishinde halyqty jumyspen qamtý ortalyǵy arqyly 5139 adam jumysqa ornalastyryldy, al jalpy 7170 adam jumysqa ornalastyrylady. Baǵdarlamanyń basty maqsaty – ınfraqurylymdy jáne turǵyn úı-kommýnaldyq sharýashylyǵyn damytý esebinen halyqty jumyspen qamtı otyryp, aýyldarda, kentterde, shaǵyn qalalarda ınfraqurylymdyq damý jobalaryn iske asyrý bolyp tabylady, – dedi Arhımed Muhambetov.

Jıyn sońynda oblys ákimi memlekettik mekeme basshylaryna baǵdarlama aıasyndaǵy jobalardyń júzege asyrylýyn baqylaýda ustaýdy tapsyrdy.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar