Sport • 23 Qyrkúıek, 2020

Jánibek Álimhanulynyń jekpe-jegine eki apta qalǵanda qarsylasy aýysyp ketti

392 ret kórsetildi

Orta salmaqta óner kórsetetin qazaqstandyq kásipqoı boksshy Jánibek Álimhanulynyń kelesi kezdesýdegi qarsylasy aýysyp ketti, dep habarlaıdy Egemen.kz.

Otandasymyz 9 qyrkúıek kúni Las-Vegas qalasynda (Nevada shtaty, AQSh) The Bubble arenasynda Top Rank uıymdastyratyn boks keshinde sharshy alańǵa shyǵý kerek. Álimhanulynyń qarsylasy reıtıngte úzdik 15-tiń qatarynda bolǵan boksshy bolýy kerek edi. Biraq ol qarsylas jaraqat alyp qalypty. 

"Jattyǵý jalǵasyp jatyr. О́kinishke oraı, qarsylas aýysyp jatyr. Top 15-tegi solaqaı qarsylas jattyǵýda jaraqat alypty. Búgin habarlady. Promoýter 2-3 kúnde jańa qarsylastyń esimin aıtady. Bul jolǵysy ótkendegisinen myqty ári ataqty bolady dep senemiz. Árıne jekpe-jekke az qalǵanda qarsylastyń aýysqany jaqsy emes. Degenmen biz kez-kelgenine daıynbyz", - dep jazdy Álimhanuly Instagram paraqshasynda. 

Aıta keteıik, Álimhanuly sońǵy ret sharshy alańǵa qarasha aıynda Fresno qalasynda (Kalıfornııa shtaty, AQSh) sharshy alańǵa shyǵyp, kanadalyq Albert Onolýnseni jeńip, WBC Continental Americas jáne WBO Global belbeýlerin qorǵap qaldy. 

Negizi ol sharshy alańǵa naýryz aıynda Kvebek (Kanada) qalasynda ganalyq Issa Samırmen (18-0, 15 KO) kezdesýi kerek edi. Biraq bul shoý koronavırýsqa baılanysty ótpeı qaldy. 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar