Aımaqtar • 23 Qyrkúıek, 2020

Qyzylorda oblysynda jylý berý maýsymyna daıyndyq jumystary júrgizilip jatyr

35 ret kórsetildi

Oblys boıynsha turǵyn úıler, kásiporyndar men áleýmettik sala nysandarynyń 2020–2021 jyldardaǵy jylý berý maýsymyna daıyndyq jumystary júrgizilýde. Bul týraly Egemen.kz oblystyq energetıka jáne turǵyn úı-kommýnaldyq sharýashylyq basqarmasyna silteme jasap habarlaıdy.

2020 jyly "Qyzylorda jylý elektr ortalyǵy" kásipornyna aǵymdaǵy jáne kúrdeli jóndeý júrgizý maqsatynda "Nurly jer", "Jumyspen qamtý jol kartasy" memlekettik baǵdarlamalary aıasynda 4 mlrd teńge bólingen. Búgingi kúnge jumystar ortasha eseppen 93 paıyzǵa oryndaldy.

Sonymen qatar "Qyzylorda elektr taratý toraptary" aksıonerlik qoǵamynyń jalpy 1,8 myń shaqyrym quraıtyn ár túrli kerneýdegi elektr jelilerine jáne 233 qosalqy transformatorlyq stansııalaryna qaıta jańǵyrtý jumystaryna EBRR arqyly 2,7 mlrd. teńge bólindi. Atalǵan jumystar qazirgi tańda 76%-ǵa oryndaldy.

"KazTransGazAımaq" AQ-nyń Qyzylorda óndiristik fılıaly - aldaǵy jylý berý maýsymyna daıyndyq júrgizý úshin 56-dana GRP-men 242-dana ShRP-ǵa aǵymdaǵy jóndeý jumystaryn 100% oryndady.

Qala jáne aýdan ákimderi men bıýdjettik baǵdarlama ákimshileriniń málimetine sáıkes, josparlanǵan bilim, mádenıet, densaýlyq saqtaý nysandary men kishi qazandyqtardyń jóndeý jumystary josparǵa sáıkes júrgizilýde.

Sonymen qatar oblys boıynsha 19 áleýmettik nysannyń jylý qazandyqtaryn gaz otynyna beıimdeý jumystary tolyǵymen aıaqtaldy.

Oblys boıynsha búgingi kúni barlyǵy 1222 kópqabatty turǵyn úı bar. Onyń ortalyqtandyrylǵan jylý júıesine qosylǵan kópqabatty turǵyn úılerdiń 92% jylý maýsymyna daıyn.

Áleýmettik sala nysandaryna aldaǵy jylý berý maýsymynda 39,6 myń tonna qatty jáne 26 myń tonna suıyq otyn kerek, al turǵyndarǵa qajettilik 163,6 myń tonna quraıdy.

Kómir baǵasyn birqalypty jaǵdaıda ustaý úshin, ákimdik pen kómirdi satýmen aınalysatyn óńirlik operatorlar arasynda memorandým jasaldy. Atqarylǵan jumystar nátıjesinde kómir otynynyń baǵasy turaqty.

Jalpy qysqa daıyndyq máseleleri oblystyq shtabtyń turaqty baqylaýynda.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar