Ekonomıka • 23 Qyrkúıek, 2020

EQQDB Qazaqstanda quny 30 mıllıon dollarlyq baǵdarlamany iske qosady

25 ret kórsetildi

Jasyl tehnologııalyq sheshimderge ınvestısııa bóletin úı sharýashylyqtary men jekemenshik sektor úshin genderlik baǵdarlanǵan jasyl qarjylandyrýdy qoldaý maqsatynda Eýropa Qaıta Qurý jáne Damý Banki (EQQDB) Qazaqstanda jalpy quny 30 mıllıon AQSh dollaryn quraıtyn Jasyl ekonomıkany qarjylandyrý baǵdarlamasyn iske qosty, dep habarlaıdy Egemen.kz

KMF mıkroqarjy uıymy shaǵyn bıznesti nesıelendirýde 5 mıllıon AQSh dollarlyq nesıelik jelini alǵan alǵashqy jergilikti seriktes qarjy mekemesi boldy. Shaǵyn qalalar men shalǵaıdaǵy aýyldyq eldi-mekenderdi qosa alǵanda, búkil el boıynsha myńdaǵan úı sharýashylyqtary, jergilikti shaǵyn jáne orta kásiporyndar (ShOK) klımattyń ózgerýine beıimdelýge kómektesetin tehnologııalyq sheshimder men qyzmetterdi júzege asyrý úshin shamamen 1500 AQSh dollary kóleminde nesıe ala alady. Sheshimder ǵımarattyń jylý oqshaýlaýyn, fotoelektrlik kún panelderin, geotermııalyq jylý sorǵylaryn, sýdy únemdeıtin sýarý júıelerin ornatýdy qamtıdy.

GEFF-Qazaqstan sonymen qatar áıelder men erler úshin jasyl tehnologııalardy qarjylandyrýdyń teń qoljetimdiligine yqpal etetin genderlik baǵdarlanǵan jobalardy da qoldaıtyn bolady.

Qazaqstanda qol jetimdi standartty jasyl tehnologııalyq sheshimderdi tańdaý kezinde klıentter Jasyl Tehnologııalar Selektory - baǵdarlamaǵa engizilgen qazaqstandyq jáne sheteldik tehnologııalar men jabdyqtardyń katalogyn qoldana alady. Eýropalyq Odaq (EO) Jasyl tehnologııalar selektoryn ázirleýdi qarjylandyrdy. Jobanyń iske qosylýyna arnalǵan búgingi onlaınis-shara donorlardyń, jergilikti bılik organdarynyń ókilderiniń, jergilikti seriktesti qarjy mekemeleriniń, kommersııalyq sektor úshin jasyl tehnologııalardy jetkizýshiler men óndirýshilerdiń basyn qosty.

Jasyl tehnologııalarǵa ınvestısııalar bóletin kásiporyndar men menshik ıeleri Jahandyq ekologııalyq qordan (JEQ) ótemaqy (grant) alýǵa quqyly bolady. Sonymen qatar, Avstrııanyń Federaldy qarjy mınıstrligi GEFF jelisi boıynsha tehnıkalyq kómek kórsetýdi jáne jasyl tehnologııalar selektoryn qurastyrýdy qarjylandyrady.

KMF úshin nesıe resýrstaryn usyna otyryp, EQQDB Qazaqstannyń kómirtekti-beıtarap ekonomıka qurýǵa umtylysyna óz úlesin qosady, ekologııalyq sheshimderdi ilgeriletedi jáne áıelder men erler basqaratyn bızneske júgine otyryp, kómirtegi shyǵaryndylarynyń qarqyndylyǵyn jáne klımattyń osaldyǵyna baılanysty táýekelderdi tómendetýdiń jahandyq prosesine qatysady.

Bul baǵdarlama Qazaqstanǵa jyldyq energııa tutynýdy 150 000 GDj-ǵa jáne kómirqyshqyl gazynyń shyǵarylýyn jylyna 40 000 t CO2-ǵa qysqartýǵa kómektesedi dep kútilýde.

GEFF Jasyl ekonomıkaǵa kóshý tásili (JEK) sheńberinde klımat jáne qorshaǵan orta úshin jobalardy qarjylandyrýdy keńeıtý jónindegi EQQDB-nyń jaqynda jarııalanǵan josparynyń bóligi bolyp tabylady, oǵan sáıkes 2025 jylǵa deıin bank genderlik máselelerge erekshe nazar aýdara otyryp, klımattyń ózgerýine qarsy kúresti qarjylandyrýǵa óziniń jyldyq ınvestısııalarynyń 50 paıyzynan astamyn salýǵa umtylatyn bolady.

GEFF baǵdarlamasy 27 eldegi 145-ten astam qarjy ınstıtýttarynyń jelisi arqyly jumys isteıdi. Búgingi kúni EQQDB-niń baǵdarlamasy boıynsha 190 myń klıent úshin ınvestısııanyń jınaqtalǵan kólemi 4,6 mlrd. eýroǵa jetti. Júzege asyrylǵan jobalar jyldyq CO2 shyǵaryndylaryn 8,6 mıllıon tonnadan astamǵa azaıtty

EQQDB óz qyzmeti kezeńinde Qazaqstan Respýblıkasynyń ekonomıkasynda jalpy ınvestısııa kólemi 8,6 mıllıard evro bolatyn 276 jobany júzege asyrdy.

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar