Taǵaıyndaý • 23 Qyrkúıek, 2020

Qaraǵandy qalasynyń jańa ákimi taǵaıyndaldy

41 ret kórsetildi

Ermaǵanbet Bólekpaev Qaraǵandy qalasynyń ákimi qyzmetine taǵaıyndaldy. Qaraǵandy qalalyq máslıhatynyń depýtattarymen kelisilgennen keıin oblys ortalyǵynyń jańa basshysyn Jeńis Qasymbek jurtshylyqqa tanystyrdy, dep habarlaıdy Egemen.kz oblys ákimdigine silteme jasap.

"Ermaǵanbet Qabdolulynyń jumys tájirıbesi mol. Ol óz jobalary men bastamalaryn laıyqty jalǵastyratynyna senimdimin. Men Nurlan Erikbaıulyna atqarǵan úlken jumysy úshin alǵysymdy bildiremin. Onyń qalada jumys istegen kezeńinde kóptegen júıeli máseleler sheshildi. Olardyń kópshiligin ol ózi bastap, ózi sheshti. Aýlalarda, qaladaǵy úılerdiń qasbetterinde kóp nárse jasaldy, biraq áli de kóp jumys jasaý kerek", - dedi Jeńis Qasymbek.

Qaraǵandy oblysynyń ákimi jańa qala basshysynyń aldyna kommýnaldyq sıpattaǵy jáne qoǵamdyq kólik máselelerin sheshý syndy birqatar mindet qoıdy.

О́z kezeginde Ermaǵanbet Bólekpaev oǵan senim artqany úshin alǵysyn bildirdi.

"Osy kezeńde kóp jumys atqaryldy. Alda áli de aýqymdy jumys kútip tur. Sizdermen birge alǵa qoıylǵan mindetterdi oryndaıtynymyzdy aıtyp, sendirgim keledi", - dep atap ótti ol.

Ermaǵanbet Bólekpaev 1975 jyly 2 qyrkúıekte Qaraǵandy oblysy Shet aýdany О́spen aýylynda dúnıege kelgen. 1996 jyly E.A. Bóketov atyndaǵy Qaraǵandy memlekettik ýnıversıtetiniń ekonomıka fakýltetin bitirgen.

Eńbek jolyn 1996 jyly «Kazkommersbank» AAQ Temirtaý fılıalynda ekonomıst qyzmetinen bastaǵan. 1997 jyldan 1998 jylǵa deıin Astanadaǵy «Bıznes-Inform» IKO ókildiginiń dırektory qyzmetin atqardy. 1998 jyldyń qarasha aıynda ındýstrııa, energetıka jáne saýda mınıstrliginde eksporttyq baqylaý jáne lısenzııalaý departamentiniń bas mamany laýazymynda jumys isteı bastady. 2002 jyly osy vedomstvo bastyǵynyń orynbasary boldy.

2006 jyly Pavlodar oblysy ákimi apparaty basshysynyń orynbasary, 2006 jyldan 2008 jylǵa deıin Pavlodar oblysy Pavlodar aýdanynyń ákimi boldy.

2008 jyldan 2009 jylǵa deıin Pavlodar oblysynyń kásipkerlik jáne ónerkásip basqarmasyn basqardy.

QR Memlekettik qyzmet isteri agenttiginiń Qaraǵandy, Ońtústik Qazaqstan oblystary jáne Nur - Sultan qalasy boıynsha aýmaqtyq basqarmasynyń bastyǵy – Tártiptik keńesiniń tóraǵasy laýazymyn atqarǵan.

2013 jyldan 2018 jylǵa deıin Nur-Sultandaǵy «Saryarqa», «Almaty» jáne «Esil» aýdandarynyń ákimi boldy.

2018 jyly Qazaqstan Respýblıkasy Prezıdenti Ákimshiliginiń memlekettik ınspektory bolyp taǵaıyndaldy.

2018 jylǵy qarashadan bastap qazirgi tańǵa deıin Qaraǵandy oblysy ákiminiń orynbasary qyzmetin atqardy.

«Qurmet» ordenimen jáne «Ereń eńbegi úshin» medalimen marapattalǵan.

Aıta keteıik, Qaraǵandy ákimi Nurlan Áýbákirov basqa jumysqa aýysýyna baılanysty qyzmetinen bosatyldy.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar