Rýhanııat • 23 Qyrkúıek, 2020

Abaı shyǵarmalarynyń qyrǵyz tilindegi akademııalyq basylymy tanystyryldy

173 ret kórsetildi

Búgin Halyqaralyq Túrki akademııasy jáne Qazaqstan halqy Assambleıasynyń uıymdastyrýymen "Bekem baýyrlastyq baılanystar: Manastan Abaıǵa deıin" atty jıyn ótti, dep habarlaıdy Egemen.kz.

Sýretterdi túsirgen: Erlan Omar "EQ"

Alqaly jıynǵa  Halyqaralyq Túrki akademııasynyń prezıdenti Darhan Qydyráli,  Qazaqstan halqy Assambleıasy Tóraǵasynyń orynbasary ‒ QR Prezıdenti Ákimshiliginiń QHA hatshylyǵynyń meńgerýshisi Janseıit Túımebaev, Qyrǵyz Respýblıkasynyń Qazaqstandaǵy elshisi Jeenbek Kýlýbaev, sonymen qatar memleket jáne qoǵam qaıratkerleri, ǵalymdar, zııaly qaýym men etnomádenı birlestik ókilderi qatysty.

1Jıyn barysynda Janseıit Túımebaev birqatar azamatqa Qazaqstan halqy Assambleıasynyń 25 jyldyǵy qurmetine arnalǵan merekelik medal tabystady.

7529

Shara barysynda Halyqaralyq Túrki akademııasy daıyndaǵan "Manas" eposynyń qazaq tilindegi nusqasy jáne Abaı shyǵarmalarynyń qyrǵyz tilindegi akademııalyq basylymy tanystyryldy.

2

"Qazaqstan halqy Assambleıasynyń 25 jyldyǵyna oraı eki súıinshi jańalyǵymyz bar. Eki el arasyndaǵy baýyrlastyq baılanysymyzdy bekemdeı túsetin rýhanı qazynamyz kóbeıip jatyr. 1961 jylǵy Muhtar Áýezovtiń basshylyǵymen jaryq kórgen "Manas" dastany 60 jyldan keıin qazaq oqyrmandarynyń qolyna qaıta jetip otyr. Jyrshy, manasshy Baıanǵalı Álimjanov óziniń keremet sheberligimen qazaqshalap shyqty", dedi Halyqaralyq Túrki akademııasynyń prezıdenti Darhan Qydyráli. Jıyn bastalǵan kezde atalǵan eki eńbektiń tusaýy kesildi.

1

Qazaqstan halqy Assambleıasy Tóraǵasynyń orynbasary Janseıit Túımebaev óz sózinde "Bekem baýyrlastyq baılanystar: Manastan Abaıǵa deıin" dep atalǵan onlaın sharany tamashalap otyrǵan qyrǵyz baýyrlar men elimizdiń ár tarapynan qosylǵan zııaly qaýym ókilderine jyly lebizin bildirdi.

"Abaı jyryn jattaǵan durys. Al onyń tereń oıy men pikiri tek aıta júrer áńgime bolmaı, kúnbe-kúngi tirligimizge bir kirpish bop qalanyp jatatyn naqty iske aınalsa, tipten quba-qup. Ol úıretken taǵylym men ol kóksegen murattardy shyn qasterleı bilgenimizdiń, ádilet pen abzaldyq ustazy aldyndaǵy perzenttik qaryzymyzdy tereń túsinip, óteı alǵandyǵymyzdyń birden-bir belgisi", dep atap ótti Janseıit Qanseıituly.

Janseıit Túımebaev Darhan Qydyráli basqaryp otyrǵan halyqaralyq Túrki akademııasy el men jerdi jaqyndastyryp, túrki álemi tarıhyn, tili men ádebıetin jáne mádenıetin zerttep, zerdeleý baǵytynda naqty jobalardy iske asyryp kele jatqanyn da atap ótti.

Aıta keteıik, bıyl Baký qalasynda ótken Túrki akademııasynyń Ǵylymı keńesinde 2020 jylǵy Túrki áleminiń aıtýly datalary qatarynda Manas dastanynyń 1125 jyldyǵy men Abaı Qunanbaıulynyń 175 jyldyǵyn atap ótý bekitilgen edi. Manas eposyna arnalǵan is-sharalar jyl aıaǵyna deıin jalǵasa beretin bolady.

Sońǵy jańalyqtar

Almatyda jer silkindi

Qazaqstan • Búgin, 16:48

Bıyl Qazaqstanda qys qandaı bolady?

Aýa raıy • Búgin, 16:37

Medeý men Shymbulaq qashan ashylady?

Aımaqtar • Búgin, 15:58

Elengen erlik

Aımaqtar • Búgin, 13:22

Qarashada kún sýytady

Aýa raıy • Búgin, 11:59

Shyǵys Qazaqstanda qus tumaýy tirkeldi

Aımaqtar • Búgin, 11:36

Dollardyń búgingi baǵamy belgili boldy

Ekonomıka • Búgin, 11:22

Uqsas jańalyqtar